From Wikipedia, the free encyclopedia
Da Mozart Johannes Chrysostomus Wolfgang Theophilus, ma kennd eam bessa ois Mozart Wolfgang Amade, is ana vo de wichtigstn daitsche Komponistn vo da klassischn Musik in Eiropa. Af d'Wööd kumman is ar am 27. Jenna 1756 in da Stod Soizburg im Soizburga Fiaschterzbisdum, gstuam is ar am 5. Dezemba 1791 in da östareichischn Hauptstod Wean. Er is zwoa scho mid 35 Joar gstuam, owa er hod a Werk zruckglossn, wos olle wichting Oartn vo Musi zu seina Zeid umfosst hod. Außadem wor a, womma seinan Zeidgenossn glaum deaf, aara Virtuos am Klavia und af da Geing.
| Der Artikl is im Dialekt Ostmittlboarisch gschriem worn. |
Er hod de Musikgattung Konzert zu ihra Hochbliah brocht, genauso wiar aa de Sinfonie und de Sonatn, und de drei san dann noch eam aa de wichtigstn Fuaman vo da klassischn Orchestamusi woan und bliem. Aussadem is ar a Maasta vo da Oper gwesn, und seine Stickln ghern bis heid zu de beliabtestn vo da Musikgschicht.
Wolfgang is am 27. Jenna 1756 um ochte aufd Nocht in Soizburg, in da Getreidegossn 9 in ana Dreizimmawohnung vo an Mehrfamülienhaus (Hagenauer Haus) aufd Wööd kumman. Ea woa des simte Kind vo seina Famülie, owa eascht des zweite, wos iwalebt hod.
Sei Voda, da Mozart Leopold, woa aus Augschburg und is aus beruflichn Grindn ins kiachliche Fiaschtndum Soizburg zogn. Er is dort bischöflicha Kammermusikus gwesn (ab 1757 woara Hofkomponist und ab 1763 Vizekapöömasta). Sei Muadda woa de Anna Maria Pertl aus Sankt Gilgen. Scho an Tog noch seina Gebuat is a im Dom vo Soizburg aufn Nauman Joannes Chrysostomus Wolfgangus Theophilus tauft wuan. Gruafn homs eahm owa Wolfgang bzw. Wolfal oda aa Woferl.
Scho im Oita vo via Joa hod ea und sei um finf Joa ötare Schwesta Maria Anna Mozart, zu dea wos Nannerl gsogt haum, vom Vodan Musikuntarricht (Klavia, Geign, Kompositiaun) griagt. 1761 hod da Voda Mozart de easchtn Kompositiaunen vom Wolferl ois „Wolfgangerl Compositiones“ aufzeichnet. Es hod si dabei um a Andante und a Allegro ghaundlt, auf de no im söm Joa a Allegro und a Menuetto gfoigt san. A de Begobung im Klavia- und Geignspü hom si schnöö zagt. 1762 - im Oita vo 6 Joa - hod a de easchtn Auftritt ghobt.
De easchte Konzertreisn vom Wolfgang und vo seine Schwesta Nannerl mit de Ötan hom Aufaung 1762 noch Minga gfiat und im Heabst vom söm Joa noch Wean, um in Oodl de Wunderkinda zum präsentian. Noch de großn Erfoig in Minga und Wean hod de Famülie am 9. Juni 1763 a extensive Tournee duach deitsche Lända und duach Westeiropa gmocht, de bis zum 29. Novemba 1766, äussa dreiahoib Joa, dauat hod. De Statiaunen woan, in chronologischa Reihnfoige: Minga, Augschburg, Ludwigsburg, Schwetzingen, Heidelberg, Mainz, Frankfurt am Main, Koblenz, Köln, Aachen, Brüssel, Paris, Verseilles, London, Dover, Belgien, Den Haag, Amsterdam, Utrecht, Mecheln, noamoi Paris, Dijon, Lyon, Genf, Lausanne, Bern, Zürich, Donaueschingen, Ulm und Minga. Auf dena Reisn san de easchtn Sonatn fia Klavia und Geign entstaundn (de via Sonaten fia Klavia und Geign Köchelvazeichnis (KV) 6 bis 9 san 1764 de easchtn drucktn Kompositiaunen vom Mozart) sowiar aa de easchte Sinfonie Es-Dur (KV 16).
A wichtigs Eagebnis vo dera Raas woa, doss da Mozart in London mit da italienischn Sinfonie und Oper vertraut gmocht wuan is. Durt hod ar aa an Johann Christian Bach kennan gleant, dea fia eahm a wichtigs Vuabüüd woa.
1772 is da Hieronymus Franz Josef von Colloredo zum Fiaschterzbischof vo Soizburg gwööd wuan. Ea woa da Nochfoiga vom vasturbanen Sigismund Christoph Graf von Schrattnbach. Vom neichn Fiaschtn is da Mozart im August zum besoidetn Konzeatmaasta vo da Soizburga Hofkapöön ernaunt wuan. Trotzdem hod a min vüün Umanaundreisn mid sein Vodan ned aufgheat. Des woa da Vasuach, dem stoarrn Reglemau vom Soizburga Dienst ausz'kumman: vom 24. Oktoba 1772 bis zum 13. März 1773 is de dritte Italienreise gfoigt, zua Urauffiarung vo Lucio Silla. Während dea Raas is aa des Exultate, jubilate entstaundn. Vo Mitte Juli bis Ende Septemba 1773 hods daun de dritte Raas noch Wean gem. Im sööm Joa is es easchte Klaviakonzeat entstaundn. Vom Oktoba 1773 aun hod de Mozartfamülie im easchtn Stock vom Taunzmaastahaus gwohnt.
Noch ana längaran Pause is am 6. Dezember 1774 a Raas noch Minga zua Urauffiarung vo da Opera buffa La finta giardiniera (KV 196) gmocht wuan. Am 13. Jenna 1775 und noch da Rückkea am 7. März hod da Mozart erneit vasuacht, si aa in Soizburg ois Künstla zum etablian. Er hod zum Beispü des Dramma per musica Il rè pastore am 23. Aprü 1775 in Soizburg urauffian lossn, wos oba beim Publikum ned guad aukumman is. Noch meafochn eafoiglosn Bittn um Urlaub hod a 1777 sei Abschiedsgsuach beim Fiaschterzbischof eigreicht und hod um Entlossung vo da Soizburga Hofkapöön bitt.
De Weake vom Mozart wean meistns noch da Sortiarung im Köchelvazeichnis (KV) zöid, de aa a Oat chronologische Reihenfoige einzhoidn vasuacht. Gmocht hod des Vazeichnis da Ludwig Köchel (1800-1877), und wegn eam haaßts aara so.
18 Messn, darunta
41 Sinfonien
27 Klaviakonzeate
Da Mozart hod Kanons mit Text und ohne Text gschriem. Zu dena Text-Kanons mit kiachlichm Inhoid zöin:
Es gibt oba aa Kanons mit deabm Inhoid, de in dena meistn Liadabiachln textlich entschäaft woan san. So zum Beispü:
Da viastimmige Kanon KV Anh. 191 (1788; 562c) is fir zwa Geign, Viola und Bass gsetzt.
Die Figur Wolfgang Amadeus Mozarts wurde in vielen Romanen und Erzählungen verarbeitet, unter anderem in
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
