Paris

Paris (frz. [paˈʀi]) is de Haptstod vo Frankreich und vo da Region Île-de-France. Da Fluss Seine teit de Stod in an neadlichn Tei (rive droite „rechtes Ufa“) und an sidlichn Tei (rive gauche „linkes Ufa“). De Stod hod offiziej 2.190.327 Einwohna (Stond: 2016), im städtischn Gebiet in und um Paris lem owa 12.532.901 Menschn^[2]

Dea Artikl do behandlt de Haptstod vo Frankreich. Fia andane Bedeitunga schau: Paris (Begriffsklearung).

Der Artikl is im Dialekt Obaboarisch gschriem worn.

Paris
	Paris (Frankreich)
Woispruch: Fluctuat nec mergitur (Se schwimmt mit de Wejn und geht deshoib ned unta!)[1]
Stoot	Fraungreich
Región	Île-de-France (chef-lieu)
Département (Nr.)	Paris (75) (75)
Arrondissement	20 Arrondissements
Kantón	keiner
Kóoerdinaten	48° 51′ N, 2° 21′ O48.8566666666672.3516666666667
Heechen	28–130 m
Flächen – Unité urbaine	– 2.845 km2
Buergermoaster	Anne Hidalgo (PS)
Eihwóner – Unité urbaine	2.175.601 (1. Jénner 2018) 10.413.386
Bevëkarungsdichten – Unité urbaine	– Eihw./km²
Póstloatzoi	75001–75020 und 75116
INSEE-Code	75056
Website	www.paris.fr

Anne Hidalgo (2014)

S Gebiet des wo außahoib vo da Ringautobahn (frz. boulevard périphérique) liegt, san de Vorstädt vum sognenntn Banlieue (weatli Bannmeile), des wo administrativ nimma zua Paris gheat. Paris is oane vo de bedeitendstn Wejdstädt und Siez vo da UNESCO, da OECD und da ICC.

Gschicht

De Stod hod se aus da kejtischn Siedlung Lutuhezi auf da Seine-Insl entwicklt, wo heit Ile de la Cité hoaßt. De Kejtn worn vom Stamm vo de Parisii. Noch da Erobarung vo da Siedlung durch de Rema is se ois Lutetia ausbaut und befestigt worn. Da Franknkini Chlodwig hod se 508 nocha zua Haptstod vo seim Reich gmocht. Seit damois is de Stod fost ununtabrocha de Haptstod vo Frankreich.

Sengswiadigkeitn

• Des Woahzeichn vo da Stod is da Eiffelturm, a Stoihkonstruktion ausm Joa 1889.
• Louvre – Museum
• Champs-Elysees – Prachtstroßn
• Arc de Triomphe (Triumphbogn)
• Sacre Coeur, Kira
• Notre Dame – Kathedrein
• Invalidendom mit Grab vom Napoléon Bonaparte
• Musee d'Orsay – Museum mit berühmte impressionistische Moija
• Palais de la Decouverte – Wissenschaftsmuseum

In dem Vorort Versailles sidwestli vo Paris findt si des Schloss Versailles.

Wirtschafd und Infrastruktur

Paris is des ibaragade politische, wirtschafdliche und aa kuituareje Zentrum vo Frankreich und sei greßta Vakeahsknotnpunkt (mit drei Flughäfn und sechs Kopfbohnhäf). De wichtigstn Bahnvabindunga san de Fernstreckn za de andan Großstädt vo Frankreich Marseille, Lyon, Bordeaux, Toulouse, Straßburg und Rennes, de zum Tei mit TGV-Zig befoarn wern. Außadem gejtn de Streckn vom Eurostar noch London und Brissel ois wichtige eiropäische Vabindunga. De Flughäfn Charles-de-Gaulle und Orly liegn am Rand vom Bollungsgebiet ile-de-France.

Sunstigs

Der Nam Paris is ähnlich wia Berlin oda York aa vo Kolonistn in da ganzn Wejd zua Benennung vo eanane nei grindten Städt gnutzt worn. So gibts den Stodnama Paris heit aa in Australien und Texas.