Da Vladimir Putin oda aa Wladimir Wladimirowitsch Putin (russ. Владимир Владимирович Путин; * 7. Oktoba 1952 in Leningrad) is a russischa Politika. Seitm 7. Mai 2012 is a President vo Russland.[1] Des wor a aa scho vo 2000 bis Mai 2008. Vo 1999 bis 2000 und vo 2008 bis 2012 wor a Ministapresident vo Russland. Zwischen 2008 und 2012 is a Voasitzenda vo da Partei Oanigs Russland gwen.
.jpg)
Wiatschoftlich-soziale Entwicklung vo Russland untam Putin
In da Regiarungszeit vom Putin hom si am Ofang wiatschoftlich-soziale Datn in Russland teiweis vabessad. Seitn Iwafoi vo russischn Terroristn und Militea auf de Ukraine (Onfang 2014) und da Annexion vo da Krim hod se de Entwicklung owa dramatisch vaschlechtat.
Vabrechn geng de Menschlichkeit
Obschuss vo da MH-17
Da Putin drogt de Vaantwoatung fian Todesflug vo da MH-17. Da SPIEGEL hod eindrucksvoi dokumentiad, wea de Vakeahsmaschin MH-17 iwa da Ostukraine obgschossn hod und wia des gscheng is.[2][3]
Putingegna wean inhoftiad oda umbrocht
- Boris Nemzov, 2015 daschossn[4] (voahea duach de Putinpropagandamaschin pausnlos mid frei dafundanen Gschichtn diffamiad)[5] Da Bois Nemzow hod Angst ghobt, dass da Putin eam daschiassn lossn wead.[6].
- Nadija Sawtschenko, ukrainische Pilotin, Obaleitnant vo da Ukrainischn Armee und seit Oktoba 2014 Obgeoadnete im ukrainischn Parlament (Rada), is im Juni 2014 vom russischn Geheimdeanst aus da Ostukraine vaschleppt woan und am 8. Juli 2014 in an russischn Gfengnis auftaucht (seitdem in Untasuachungshoft mid an Haufa Schikanen, nit amoi mid iara Schwesta deafs ukrainisch redn!). Fia ia Freilossung ham si unta andam de Angela Merkel und da Barack Obama eigsezt.
- Boris Beresowski, russischa Oligarch, Intimfeind vom Putin, 2013 z London schtranguliad.
- Sergej Magnizki, russisch Anwoit, is 2009 in seine Gfengniszejn an de Foign vo Foita gschtoam, eaztliche Hiif is eam vaweigad woan(!). 2013 is a posthum wegn Steiabetrug vauateit woan.
- Natalia Estemirowa, Menschnrechtsaktivistin, 2009 im Noadkaukasus daschossn (se hod de menschvaochtade, russische Brutalität im Tschetschenienkonflikt kritisiad).
- Anna Politkowskaja, Journalistin, 2006 z Moskau daschossn (se hod voa oim auf de russische Gwoit in Tschetschenien higwiesen), de Auftrogskilla san gfosst woan, de Hintamanna natiale nit.
- Alexander Litwinenko, russischa Ex-Geheimdeanstagent, 2006 z London mid radioaktivn Polonium 210 vagifdd (im Schteam hod a in Putin fia sein Doud vaantwoatli gmocht).
Da Putin und de Mafia
Drognhandl
- In da Ohearung zua Litwinenko Eamoadung hod a Ex-KGB-Offizia am 12. Meaz 2015 z London ausgsogt, dass da Putin direkt in an Drognhändlaring midgwiakt häd.[7]
Schau aa
Literatua
- Alexander Rahr: Wladimir Putin. Der Deutsche im Kreml. Universitas-Verlag, 2000, ISBN 978-3-8004-1408-6.
Beleg
Im Netz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
