Vo Nguyen Giap
From Wikipedia, the free encyclopedia
From Wikipedia, the free encyclopedia
Da Vo Nguyen Giap aa Võ Nguyên Giáp (* 25. August 1911 z An Xá, Quảng Bình; † 4. Oktoba 2013 z Hanoi[1][2])) isa vietnamäsischa Genaroi, Bolidika und Guerillakämpfa gwen. Ois milidärischa Fira vo de Việt-Minh-Truppm, hoda zweng seina taktischn Brillanz ois da „Napoleon voum Ostn“ goitn.(Peter Scholl-Latour).
An Võ Nguyên Giáp sei Voda isa Schuimoasda gwen, dera a bissl eings Land kod hod. Da Voda und a Schwesda san schbada in franzesischa Haft gschdoam gwen, zweng nazionalisdischa Aktifitätn. Mid 15 Joa is da Giap a Midglied vo da rewoluzionäan Patei vo Annam (Tân Việt Cách mạng đảng) gwen. No hoda vo 1933 bis 1938 Rechtswissenschofd und Voikswiadschafd z Hà Nội gschdudiad kobt und hod dano sejm ois Leara fia Gschicht und Gäografie z Hà Nội goawad kod.
Ois Gengna vo da franzesischn Kolonioimacht, isa 1939 af de Gfängnisinsl Poulo Condor kuma gwen und 1940 foa de Japana no China gflicht. Duat isa im Mai 1941 no a Midgrinda vo da Liga fia de Unohengekeit vo Vietnam (Việt Minh) gwen. Dawei isan Giap sei Äwei fohaft und z Hanoi im Gfängnis gschdoam gwen.
Fiad Vietminh hoda no a Voiksamää afbaud kod, de am 22. Dezemba 1944 offiziej gwen is. Zam mim amerikanischn OSS hoda z Noadvietnam a Netz vo Agentn afbaud kod und is Befejshowa voum vietnamäsischn Widastand geng d Japana gwen. 1945 isa no Innenminisda vo da Demogratischn Republik Vietnam gwen.
1946 ois Owabfejshowa vo da Noadvietnamäsischn Voiksamää (NVA), hodara Guerillataktik ausgoawad kod, de am 7. Mai 1954 ba da Schlocht vo Dien Bien Phu, de hougrisde franzesische Amää zan Deife kaut hod. Dano is goa gwen mid da franzesischn Kolonioiheaschaft.
1954 bis 1980 is da Võ Nguyên Giáp Voteidigungsminisda gwen, ab 1955 Stejvadreda voum Minisdabresidentn. Kämbfd hoda geng d USA und Sidvietnam, fiad Widavoeinigung und is fiad Tet-Offansif voantwoadle gwen, de milidäarisch ned so eafoigreich gwen is, owa bolidisch narrisch koifa hod.
1976 no da Widavoeinigung isa Voteidigungsminisda und Stejvadreda voum Minisdabresidentn vo da Sozioiistischn Republik Vietnam woan. Am 25. August 2011 hod da Giáp sein 100. Gebuadsdog inam Amäägrangnhaus z Hanoi gfeiad kobt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
