Strubegger Iris
From Wikipedia, the free encyclopedia
From Wikipedia, the free encyclopedia
D' Struawégger Iris (* 21. Juli 1984 in Schworschzach an Póngau, Soizburg) is a ésterreichischs Módel. Aufgwouxen iss in Seiger Hóns an Póngau.
| Der Artikl is im Dialekt Póngaurisch gschriem worn. |
| Struawégger Iris Strubegger Iris | |
 | |
| Kurschzbschreiwung | Módel |
| Geburtsdaatum | 21. Juli 1984 |
| Geburtsort | Schworschzach an Póngau |
D' Struawéggerin is in Seiger Hóns an Póngau aufgwouxen. Durten hods aa d' Schuin bsuacht, oane davóh is d' Musihauptschui gwéin.
2001 iss durch an Studéntenaustausch fyr drói Mónad in New York City gwéin und is durten vah am Agénten éndéckt wourn. Im drauffóigerschten Jour houds Testbijdel fyr a Casting gmoucht und houd ba Elite Model Management irn erschten Vatroug gmoucht. Da Struawéggerin ir Karrier houd auf'm Laaffstejg óhgfónger.
Sie is fyrn Calvin Klein fyr d' S/S 03 Saisón glaaffm. An Jénner 2003 iss fyr ir erschte Kampagne buacht wourn. Sie is as Gsiecht fyr Armani Collezioni vah Giorgio Armani wourn. A Jour spaader houd sa sé entschien mim Módeln vurywergeherscht aufzanhern, ums Studium fyr Digitois Fernschaun in da Fochhóchschui Soizburg in Puach ba Hallein ouzanschliassen. 2007 houds as daneit gschoufft und d' Struawéggerin houd fyr Supreme in New York und fyr Women Management in Paris und Mailónd unterschriem. Vah Russel March, 'm Casting-Direktar fyr Prada und Miu Miu iss fyr Pop buacht wourn. Aa am Laaffstejg iss wiader éfters zan seeng gwéin. Sie houd d' Valentino- und d' Dries-Van-Noten-Show daéffnerscht. 2008 is da Fótógraaf Steven Meisel auf d' Struawéggerin aufmerksóm wourn und houd mid ir a Fótóshooting gmoucht.
A' da Zwischenzeid houds oiwei wiader Gleengheid mid vie bekónnte Tópfótógraafm vah da Modebranche ghoubb zan orweiten, wia z. Bsp. Craig McDean, David Sims, Mert Alas und Marcus Piggott, Inez van Lamsweerde und Vinoodh Matadin, Mario Testino, Karl Lagerfeld, Paolo Roversi, Mikael Jannson, Daniel Jackson und Patrick Demarchelier.
Fyr d' S/S 09 Saisón iss auf boanouh 70 Shows gwéin. Fyr d' A/W 09 Saisón sans 80 gwéin. Sie is unter ónderm fyr Shiatzy Chen, Narciso Rodriguez, Dolce & Gabbana, Alexander McQueen und Sonia Rykiel glaaffm. Sie is unter ónderm as Gsiecht vah Balenciaga, Pepe Jeans, Pollini und Dolce & Gabbana gwéin. An Mai 2009 is d' Struawéggerin oahs va dia Gsiechter vah Givenchy mid Mariacarla Bosconi und Adriana Lima wourn. Sie is ausserdém nóh 's Gsiecht vah Valentino.
An Septémber 2010 houds mim Karl Lagerfeld a Fotoshooting ghoubb aus dém oanige Aufnómen fyrn Pirelli-Kalénder 2011 vowéndt wourn sand. D' Struawéggerin is durch ir gmoahsóme Zómmorwad auf oanige Kampangen und 'm Aufenthoid in New York aa mid da Heidi Mount, Eniko Mihalik und Katrin Thormann eng bfreindt.
Am 6. August 2011 houd Struawéggerin in da Kirch zan Heiling Primus in Buachberg ba Behófen an Póngau an Soizburger Lónd irn Jungdfreint Róttenstoaner Woifgóng (Rottensteiner Wolfgang) gheiratt.
An Septémber 2011 iss auf'm Cover vah da deitschen Vogue zan seeng gwéin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
