From Wikipedia, the free encyclopedia
Renghittn (amtli: Regenhütte) is a Oat im Landkroas Reng. Er kerd zu Niedabayern und isa Oatstoi vo Boarisch Eisnstoa, des wo 5 km weg is. D`Renghittn hod za. 300 Eihwohna. Da Oat liegt am Reng im Boarischn Woid und am Fuaß vom Groußn Arba.
Renghittn Gmoa Boarisch Eisnstoa | |
---|---|
Höhe: | 628 m |
Postleitzahl: | 94252 |
Vorwahl: | 09925 |
De oide Glosfabrik und heidige Schaugloshittn | |
Anno 1750 hod da Felix Martin Kiesling, da Eigna vom Gloshittnguat Romstoa do a neie Gloshittn, de zeascht amoi nua Neihittn gnennt worn is, baut und an de Spiaglgloshittn Fischa aus Erlanga vopacht.
Umara 1850 hod d`Renghittn 124 Eihwona und 17 Gebaide. 1851 homs a Noud-Schuiheisl baut, 1868 nacha a gscheids. Am 30. Meaz 1859 is da Vatrog midm Fischa ausglaffa und de Hittn woa lah gstandn. De Hittn wo heit no stehd, hod da Wilhelm Steigerwald baut und is 1865 in Betrieb ganga. Zwoamoi, 1871 und 1873, is obrennt, se homs oba owei wida afbaut.
Ab 19. August 1866 kead d`Renghittn zua da neien Gmoa Romstoa. 1906 homs a neis Schuihaus griagt. 1925 homs an Stauweia und a E-Werk fia `d Gloshittn baut. Im selbign Joa is Kriagadenkmoi eigweiht worn. Kiachle keat Renghittn zua Pfarrei Ludwigstoi. 1959 homs a Behejfskiacha vo Gruabweg erworm und in da Renghittn afbaut. Am 10. Jenna 1960 homses nacha festle eigweid.
1970 is de Voigsschui in da Renghittn zua gmocht worn und wega da Gmoagebietsreform is Romstoa am 1. Jenna 1978 zua Stod Zwiesl, da Oatstoi Renghittn zua Gmoa Boarisch Eisnstoa kumma.[1]
1986 is d´ Gloshittn Konkuas ganga und 2011 wars nacha ganz zua. De Behejfskiacha is noch da Schnälastkatastrofa vo 2006 wega Eisturzgfoar zua gmocht und spada ogrissn worn. Am 2. Oktoba 2008 homs an Grundstoa zur neien Filialkircha Heilige Familie glegt. Am 21. Juli 2009 hods da Bischof Wilhelm Schraml eigweit. De hod jezad 70 Sitzplatz, de Baukosten warn 312.000 Euro.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.