Bundesstoot vo de Vaoanigte Stootn vo Amerika From Wikipedia, the free encyclopedia
New York [nuː jɔːɹk] is a Bundesstoot in de Vaoanigte Stootn. Zamm mit New Jersey und Pennsylvania wead New York zu dena Middlatlantikstootn grechnet.
| Der Artikl is im Dialekt Obaboarisch gschriem worn. |
| New York | |||||
|---|---|---|---|---|---|
| |||||
| Hauptstod: | Albany | ||||
| Fläch: | 141.299[1] km² | ||||
| Eihwohna: | 24.856.210 (2008) (137 E. / km²) | ||||
| Mitglied seit: | 26. Juli 1788 | ||||
| Zeit: | Eastern: UTC-5/-4 | ||||
| Häxda Punkt: | 1.628 m (Mount Marcy) | ||||
| Durchschn. Hächn: | 305 m | ||||
| Diafsta Punkt: | 0 m Atlantischa Ozean | ||||
| Gouverneur: | David Paterson[2] | ||||
| Post / Amt / ISO | NY / / US-NY | ||||
 | |||||
New York hod a Flächn vo 141.299 Quadratkilometa und is mit 19,3 Muilliona Einwohna (Stand: 2006) noch Kalifornien und Texas bevejkarungsmäßig da drittgrässte Bundesstaat vo de USA.
New York hod an offizielln Beinam Empire State (Reichs-Staat). Des kimmt ogeblich vo George Washington, 1. US-President, der vo da wirtschoftlichn Macht und vum Reichdum vum Bundesstaat New York schwaa beeindruckt wor.
De Haptstod vo New York is Albany; de grässte Stod is New York City. S'Gebiet außahoib vum Stodgebiet vo New York City wead Upstate New York gnennt. De grässtn Städt z Upstate New York san Buffalo, Rochester, Syracuse, Albany, Schenectady und Utica.
Im 17. Joahundat hom Niedalända in da Region Handlspostn fia Pejz vo de Irokesn, Delawarn (Lenape) und andare Indianastämm oglegt. Da easchte Postn wor Fort Nassau (1614, in da Nächn vo Albany). Weidane Handlsplätz worn Fort Amsterdam (1625, heit: New York City), Beverwijck (1647, heit: Albany) und Esopus (1653, heit Kingston).
1621 is de niedaländische Kolonie Nieuw Nederland grindt worn. 1664 is d Kolonie durch Annexion in Bsitz vo da englischn Krone kemma und in New Jersey und New York toalt worn. Da Nam New York kimmt vum Herzog vo York (späda Kini Jakob II.), dea wos de Kolonie vo seim Bruada, Kini Karl II., gschenkt kriagt hod.
1788 hod New York ois 11. Staat an Vatrog fia de amerikanische Union ratifiziat und wor damit oana vo de 13 Kolonien, de wos de USA grindt hom. D easchte Hauptstod vo da USA is 1789 New York City worn.
New York hod vui guade Sportvareine. D Buffalo Bills spuin in da National Football League und d New York Knicks in da National Basketball Association. Drei Eishockey-Club san in da National Hockey League: D Buffalo Sabres, d New York Islanders und d New York Rangers. Zwoa Baseballvareine spuin in da Major League: D New York Mets und d New York Yankees.
Z Lake Placid hom 1932 und 1980 Olympische Wintaspui stottgfundn. Lake Placid is damit oana vo nur drei Ortn, de wos de Wintaspui zwoamoi austrogn hom, sowia aa Inschbruck und St. Moritz.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
