Jochen Gaues
From Wikipedia, the free encyclopedia
Da Gaues, Jochen (* 1966[1] z Sande,[2] Friesland) is a deitscha Beck, dea wo ois Liefarant vo da Schickimicki-Gastronomie bekannt worn is. Vo de Medien wead a oft „Promi-Beck“ gnennt.
Lem
Seine Ejtan worn Akademika, sei Ongl wor owa a Beck z Woifsbuag und da Gaues hod se scho ois gloana Bua fias Bocha intressiad.[3] Noch da neintn Klass hod a de Schui gschmissn und a Leah ois Beck gmocht.[2]
Ois junga Beckamoasta hod a nacha 1989 an oideihgsessanan Betrieb iwanumma.[4] De Firma is stendi gwoxn bis a uma 100 Midorwada ghobt hod.[5] Ead hod an Haffa Auszoachnunga gwunna und is in da Middn vo de 1990a Joar "besta Beck vo Deitschland" gnennt worn.[2] Da Gaues bocht sei Brod noch oida Tradition mid vui Handorbad und ohne kinstliche Zuasätz.[6]
Easchte Pleitn und de Foign
Anno 2002 hod da Gaues an easchtn Diafschlog dalebt. Sei Firma hod Pleitn oomejdn miassn.[7]
Seit 2004 is sei zwoate Frau de Inhobarin vo da Gaues Beckarei. Da Gaues is nua oogstejt.[8] Es schaugt owa ois danoch aus, ois ob sei Frau nua de Scheininhobarin waa.
De Firma konzentriad se etzad stoark af de ghobane Gastronomie. Ea beliefad aloa viare vo nein deitschn "Drei-Sterne"-Restaurants (Michelin).[2] Anno 2010 woarn in Deitschland umara siebzge vo hundad Kechn mid mindastns oam Michelin-Stern seine Kunden.[9]
Hygiene-Problem und Auszug aus Hannover
Da Gaues siagt se sejm ois Perfektionist: „Wenig Artikel, aber die in Perfektion.“[10] In seim Betrieb hods owa a gressans Hygiene-Problem gem. Noch 22 Kontroin in seim Gschäft 2010/11[11] is de Beckarei sogoar stundnweis gschlossn worn.[12] Sei Frau Elisabeth is ois Inhobarin vo da Beckerei vom Amtsgricht Hannover zua ana Gejdstrof vauateit worn.[13][14] Desweng hod de Beckarei ian Siz vo Hannova af Lachendorf bei Celle valogad.[11]
Zwoate Pleitn und danoch
Owa aa z Lachendorf hods wiatschoftliche Schwiarigkeitn gem. Im Feba 2013 hod as Amtsgricht Celle an Insolvenzvawoita fiad Gaues Beckarei bstejt.[15][16]
Seit 15. Septemba 2014 is da Gaues in da Nochfoigegsejschoft „Bäcker Gaues GmbH“ engagiad. De Beckarei in Lachendorf is danoch grundsaniad worn. In Hamburg und Hannova gibts aa scho wieda Filialn.
Im Netz
- Bäcker Gaues – Hoamseitn vo da Firma Gaues.
- Das Brot der frühen Jahre. In: mare, Novemba 2009, Sonderheft Kulinarik II, Ausschnitt der Foto-Reportage (Seite nicht mehr abrufbar; Suche in Webarchiven).
- Handwerksmeister mit Qualitätsanspruch. Macher ohne Besitz. In: handwerk.com, 16. Novemba 2006.
- Jochen Gaues ist der Punk unter den Bäckern. In: Hamburger Abendblatt, 20. Oktoba 2010.
- Gaues backt wieder für Hannover. In: Neue Presse, 16. Aprui 2014.
- Jochen Gaues – Bäcker aus Leidenschaft. In: Gastro Echo, 7. Aprui 2015.
Beleg
Wikiwand - on
Seamless Wikipedia browsing. On steroids.