![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Transcranial_magnetic_stimulation.jpg/640px-Transcranial_magnetic_stimulation.jpg&w=640&q=50)
Transkranielle Magnetstimulation
From Wikipedia, the free encyclopedia
De transkranielle Magnetstimulation, kuaz TMS, is a ned-invasive medizinische Methode (transkraniöi hoaßt, es geht duachn Schedl, owa ohne, doss ma a Loch buaht), de wo zua Untasuchung (Diagnostik) und Behaundlung (Therapie) vawendt wead. Mit da Huif vo stoakn Magnetfejda wean Tei vom Hian stimuliat oda ghemmt.
![Thumb image](http://upload.wikimedia.org/wikipedia/commons/thumb/6/67/Transcranial_magnetic_stimulation.jpg/320px-Transcranial_magnetic_stimulation.jpg)
De Technologie wead zua Diagnostik und Behondlung vo Tinnitus (Ohrsausn), Apoplexie (Schlagl), Epilepsie (Foisucht), Parkinson-Kronkheit (Schittl-Lähmung) und fia psychiatrische Sterunga (wia Depression und Schizophrenie) eigsetzt. Moast wead de transkranielle Magnetstimulation wiedahoit ogwendet, ma redt nacha vo "repetitiva transkraniella Magnetstimulation" (rTMS). Mit "repetitiv" moan da Oazt, doss a wos eftas wiedahoit.
Bei da repetitiven transkraniellen Magnetstimulation (rTMS) wean duach stoake magnetische Wejn s Hian und seine Neavnzejn woiweis zua Aktivität und Entsponnung stimuliat. De Technik wead seit 1993 on Unikliniken eingsetzt und gwinnt zuanehmend on Bedeitung. De Methodik hod a recht guade Wiaksomkeit und zoagt nua sejtn Nemwiakunga. Sie bewiakt aa a bessare Duachbluadung, Entgiftung und Regeneration vom Hian und wead dahea aa scho bei gsundn Leit eingsetzt.[1]
Ois ned-invasive, medikamentnfreie Therapie zejd de TMS zu de Natuaheimethodn.