From Wikipedia, the free encyclopedia
Schneizlreith (amtli: Schneizlreuth) is a Gmoa im obaboarischn Berchtsgoana Land zwischn Inzell, Reichahoi und Ramsau sowia Unken im estareichischn Bundesland Soizburg.
| Der Artikl is im Dialekt Obaboarisch gschriem worn. |
| Schneizlreith Schneizlreuth | ||
 |
| |
| Basisdatn | ||
|---|---|---|
| Bundesland: | Bayern | |
| Regierungsbeziak: | Obabayern | |
| Landkroas: | Berchtgoana Land | |
| Koordinatn: | 47° 41′ N, 12° 48′ O | |
| Hechn: | 511 m ü. NN | |
| Flächn: | 107,28 km² | |
| Eihwohna: | 1316 (31. Dez.. 2015) | |
| Dichtn: | 12 Eiw. pro km² | |
| Sonstige Datn | ||
| Postleitzoi : | 83458 | |
| Vorwoi: na | 08651, 08665 (Ortsteile Weißbach und Jochberg) | |
| Kfz-Kennzeichn: | BGL | |
| Gmoaschlissl: | 09 1 72 131 | |
| Adress vo da Gmoavawoitung: | Schneizlreuth Nr. 5 83458 Schneizlreith Schneizlreuth | |
| Hoamseitn: | ||
| Politik | ||
| Buagamoasta: | Wolfgang Simon (Freie Wähler Bayern) | |
| Log vo da Gmoa Schneizlreith Schneizlreuth im Berchtgoana Land | ||
 | ||
Schneizlreuth is vo da Bevejkerung zwar die kloanste Gmoa im Landkroas, vo da Flächn is owa oane vo de gresstn. Za Schneizlreith ghearn de Ortstei: Weißboch, Unter- und Oberjettenberg, Fronau, Melleck, Ristfeucht, Jochberg und Schneizlreuth sejba.
Schneizlreuth liegt mitten in de Berg, de Saalach rinnt durche. Schneizlreith is onakannta Erholungsort und a Tourismusgmoa mit uma 50.000 Übernachtunga im Joar. Seitm 1. Jenna 2002 is Schneizlreith Mitglied von da „Erlebnisregion Berchtsgoana Land“, de mehra Fremdnvakea zuawabringa wui.
Nachbargmoana san Reichahoi und Ramsau, im Landkroas Traunstoa no Inzell und an Soizburga Pinzgau de Gmoa Unken.
1285 is zan easchtn Moi a Landgut Schnaezenreut gnennt worn. De easchte urkundle Erwähnung vo Weißbach wor 1349. Boade Ortschoftn worn vo jeher a Tei vo Bayern. De Gmoa Schneizlreith is 1909 aus da Vaeinigung vo de Gmoana Jettenberg und Ristfeucht entstandn.[1] De 1883 grindte Gmoa Weißbach an da Oipnstross (mitm Ortstei Jochberg) und de Gmoa Schneizlreith san am 1. Mai 1978 im Valauf vo da Gmoagebietsreform in Bayern vaeinigt worn.[2]
Schneizlreith wor 1590 die easchte Poststation vo Soizburg auf Innsbruck. Da äjteste Nochweis vo oana Schui stammt ausn Joar 1783. Untam Napoleon (1800) han schware Zeitn auf de Gmoa zuakema. De Grenzgemoa wor Schauplatz vo horte Kämpf zwischn de vabindtn Franzosen und Bayern auf da oanan Seitn und de Tirola und de Pinzgaua auf da ondan Seitn. A Denkmoi am "Botenbiihe" erinnat an de Zeit.
1911 is de Roßpost vom Postauto abgelest worn. A so wia jetz gibts de Gmoa seitm 1. Mai 1978. Wenga da boarischn Gebietsreform vo 1978 is de Gmoa Weißbach eigmoant worn.
Im Dolomitwerk Jettenberg wead a typischa Dolomit, da Ramsaudolomit, obaut und fia de Industrie za Dolomitmehj und -kernunga vaorbat.[3]
Schneizlreith is durch de Deitsche Oipnstross vo Inzell vom Nordwestn bzw. Ramsau vo Siidostn her eareichbor. De B 21 vabindt de Gmoa mit Reichahoi im Noadn und mit Unken bzw. Lofer im Sidn. Da Strossnzug wean vo estareichischa Seitn aa "Deitsches Eck" gnennt.
De Voikssängarin Bally Prell is 1953 mit iam Liadl de "Schönheitskönigin von Schneizlreuth" bekannt worn. Des Liadl hod wiedarum an Ort iwaregional bekannt gmocht.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
