Oidenmorkt an Póngau

Oidenmorkt an Póngau (Hóchdeitsch ómtlich: Altenmarkt im Pongau) is a Morktgmoah im ésterreichischen Soizburger Lónd, im Bezirk Seiger Hóns mid guade 4.400 Eihwóner.

Der Artikl is im Dialekt Pongaurisch gschriem worn.

Weitere Informationen Baasisdaatìn, Bólitik ...

Oidenmorkt an Póngau

Baasisdaatìn

Bundeslond: Soizburg

Bolitischer Bezirk: Seiger Hóns (JO)

Fläch: 48,60 km²

Koordinaatìn: 47° 22' N, 13° 25' O

Hejch: 842 m i. A.

Eihwoner: 4428 (1. Jén. 2020)

Bevejkarungsdichtìn: 91 Eihwoner pro km²

Bostloatzåi: 5541

Vurwåi: 06452

Gmoahvawåiting: Michael-Walchhofer-Straße 6
5541 Altenmarkt/Pg.

Webseitìn:

www.altenmarkt.at

Bólitik

Birgermoaster/rin: Winter Ruap (Winter Rupert) (ÖVP)

Gmoahråut: (2019)

Insgesamt 21 Sitze

ÖVP: 15
SPÖ: 3
FPÖ: 3

Láug vah da Morktgmoah Oidenmorkt an Póngau

Schließen

Oigmoahs

Oidenmorkt háud a Flächen voh 48,60 km² mid'ner Bevejkarungsdichten vóh 72 Eihwohna/km².

Dia heechsten Dahéewunger im Gmoahgebiet sand:

dia Stoahfejdspitzen (Steinfeldspitze) 2.344 m
da Schwáuschzkóbf (Schwarzkopf) 2.268 m
da Strimskóogi (Strimskogel) 2.139 m
und da Láuggenkóogi (Lackenkogel) 2.051 m

Náuchbargmoaner

Dia Náuchbargmoaner vah Oidenmorkt sand:

Katastroigmoaner

Oidenmorkt is in fóigande Katastroigmoaner und Orschtsoaé auftoaét:

Oidenmorkt (Altenmarkt)
Boifm (Palfen)
Sinnhuab (Sinnhub)
D' Zauch (Zauchnsee) (Zauchensee)

As Wáubbm vah da Gmoah is: "In Weiss auf an greanem Roosen a greane Dópe- óder Zwiasltónner, voh dera da Stómm iwerdéggt werscht vah am róoden Schiedl, dáudreih werscht a weiss's áuchtspoachigs Raal dorgstejt."

Museen

Hoamadmuseum Oidenmorkt

s Hoamadheisl is 1408 baud wáun und háud dia Bergknobbm, dé Érschz áubaud hómd, ois Unterkunft deaht. Spaader is's in a Oidenhoam umgwóndlscht wáun und háud'n Nóm Bruaderheisl griagg. 1970 is a nóichs Oidenhoam baud wáun und im Bruaderheisl is as Hoamadmuseum entstónna. Neem da Dorstejung vam Leem vur iwer hunderscht Jáu in Oidenmorkt, is dia 250 Jáu oide "Gundnerkribbm" as Brunkstiggi vam Museum.

Dia Wirschtscháuft an Morkt is broad gfächerscht mi'm greessten Toaé Frémdenvaker, unterstitzt vah da Industrie, Lóndwirschtscháuft und Hóndl.

Bergóonen & Schilliftóhláung

Gsómmte Bistenléng (Oidenmorkt und Zauch): 99 km
Óhzoi vóh d' Schiliftóhláung: 23
Férderleistung bró Stund: 33.300 Leit

Vaker

Durch d' Tauernautóbóh (A 10), sowia da Bundesstráuss 320 und da Bundesstráuss 99 is Oidenmorkt ans Vakersnétz ohbunden.

Óhsässige Unternéemen

Dia greessten Firmen in Oidenmorkt sand:

Schifabrik Atomic Amer Sports (1000 Órwatnéemer)
Sportstriggmódenfabrik Steffner
Bergbóonen Zauchnsee

Commons: Oidenmorkt an Póngau – Sammlung vo Buidl, Videos und Audiodateien

Wikivoyage: Oidenmorkt an Póngau – Reiseführer

Gmoadatn vo Oidenmorkt an Póngau bei da Statistik Austria
Webseiten voh da Morktgmoand Oidenmorkt

Weiderne Informaziona findst aa noh unter: Pórtoi Póngau

Stédt und Gmóaner an Póngau