From Wikipedia, the free encyclopedia
Da Jungbrunn (dt. Jungbrunnen, engl. Fountain of Youth) is a Brunn, wo jedn xund und jung mocht, wo drin bodn duad oda sei Wossa sauft. Es is a Mythos vom ewing Leem und vo da ewing Jugad.
Gschichtn iba Jungbrunna gibts af da gonzn Wejt, seit longa, longa Zeit - meglichaweis solongs Menschn gibt. Es is da Wunsch noch ewiga Jugad und ewign Leem, wo d Menschen bis heit beheascht.
Zun easchtn Moi is wos iban Jungbrunn vom Herodot im 5. Joarhundad v. u. Zr. niedagschriem woarn. In da katholischn Kira wead da Mythos vom Jungbrunn duach d Tauf und s Weihwossa pflegt. En Brauch neiboarane Kindln in Quejn und Brunn einezdunggn hots scho in heidnischn Zeitn gem; und S Oustawossa is da Voalaifa vom Weihwossa. Heit wead da Kuit um an Jungbrunn voa oim in Wellnessbädan und Spas pflegt. Owa aa in da Popkuitua lebt da Mythos vom Jungbrunn weida; beispuisweis im Fuim Pirates of the Caribbean – Fremde Gezeiten vo 2011.
Im ibadrognan Sinn steht Jungbrunn fia ois, wo oan gfuiht jinga mocht. Heit befliaglt d Stammzejnfoaschung en Wunsch nochn Jungbrunn.[1] Oba aa da Glaam ans Wundawossa hoit si bis heit, wia ma beispuisweis on da Beliabteit vom Woifoatsoat Lourdes siacht.
S berihmtaste Kunstweak iban am Jungbrunn is a Buidl vom Lucas Cranach im Oidn Da Jungbrunn vo 1546. Intressant is an dem Buidl unta ondam, doss nua d Weiwa ins Wossa steign, ois Syboi fiad Schee. Dees Weak is heit in da Gmäjdegalerie Berlin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.