Hedvig Charlotta Nordenflycht
schwedische Schriftstellern From Wikipedia, the free encyclopedia
schwedische Schriftstellern From Wikipedia, the free encyclopedia
Hedvig Charlotta Nordenflycht (* 28. Novemba 1718 z Stockholm; † 29. Juni 1763 Lugnet ba Schloss Skokloster) wor a bedeitende schwedische Dichdarin, Feministin und Salon-Madame.
Ia Voda wor da Beamte Anders Andersson Nordbohm, wo ois Nordenflycht godlt worn is, ia Muada de Christina Rosin. Wei da Untarichtgegnstand vo Deandln za dea Zeid oba vor oim Hausorbat wor, hod se vui glesn und si vor oim in Theologie, Philosophie, Latein und Germanistik sejm weidabuidd.
Anno 1753 is se in de literarische Akademie Tankebyggarorden ("Ordn vo de Gedanknweaka") gwejd worn. Se is a fiarends Mitglied vo da Akademie worn und hod do de Roin vo da Salon-Madame gspuit. Ia Akademie-Nama wor Uranie.
Es wead teiweis ognumm, dass de Nordenflycht an de Foign vo an Freidoudvasuach gstorm is, wo vo iare Freind obgstrittn worn is.[1] De Nordenflycht wor jednfois a recht melancholische Dichdarin, hod iban Freidoud gschriebm und is kuaz noch Bekanntwean vo iare letztn tragischn Valiabtheid in en 20 Joar jingan Dichda Johan Fischerström gstorm. Dea Liab hod se 1762 es Gedicht Över en hyacint ("Iba a Hyazinthn") gwidmet.
De Nordenflycht wor oane vo de easchtn 6 Fraun, wo in de Nationale Schwedische Portrait-Galerie af Schloss Gripsholm afgnumma worn is; zamma mit da Brigitta vo Schweden, da Vendela Skytte, da Barbro Stigsdotter (Svinhufvud), da Sophia Rosenhane und da Sophia Elisabet Brenner.
Schlof sanft in deina finstan Gruft,
Du sejga Staub, vo mia etz gschiedn!
Dei Geist hod do drin Himmesluft
Und en do so vamisstn Friedn.
In siassa Ruah konst dodan liagn,
Nua an ganz kloanan Spoit loss offa.
I wui af Erdn nix mea hoffa,
Ois mi glei an dei Seitn schmiagn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
