![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/St._Stephens_Cathedral_%2528Stephansdom%2529_%25287815703256%2529.jpg/640px-St._Stephens_Cathedral_%2528Stephansdom%2529_%25287815703256%2529.jpg&w=640&q=50)
Hans Puchsbaum
From Wikipedia, the free encyclopedia
Hans Buchsbaum is a Sogn ausn oidn Wean, wos uman Noadtuam vom Steffl geht, dea jo bis heit ned featich baut is. Den Siidtuam hod jo da Hans von Prachatitz im Joa 1433 vollendet. Fian Noadtuam hod da Hans Puchsbaum 1450 des Fundament glegt. Angeblich woa da Wei in dem Joa a so grampnsaua, doss da Friedrich III. augschofft hod, doss man zum Oleschn vom Koik vawendt. Ob 1467 haums daunn weidazanglt, 1477 woa daunn de (heitige) Barbarakapöön fertich, oba 1511 hod ma des Baun eistöön miassn, wäu kaa Kneedl mea do woa. Aanaseiz, wäus kaan mea wirklich intaressiat hod, und zweitns is de Gschicht mid de Osmanen laungsam entrisch wuan (1529 woans jo aa daun do bei da easchtn Tiaknbelogarung), und ma hod des Gööd braucht, damid mas Müllitea aufristn kau. De ochteckate Haum oman min Glocknhööm hod 1556 da Hans Saphoy baut, woascheinlich, doss ned so eineregnt.[1] Soichane profanan Sochn woan natialich fias Voik ned interessant, und so saan olle meglichn Sogn entstaundn, aane davo ist de Soge min Hans Puchsbaum.[2]
![Thumb image](http://upload.wikimedia.org/wikipedia/commons/thumb/0/0a/St._Stephens_Cathedral_%28Stephansdom%29_%287815703256%29.jpg/640px-St._Stephens_Cathedral_%28Stephansdom%29_%287815703256%29.jpg)