![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/Baker_Oslo.jpg/640px-Baker_Oslo.jpg&w=640&q=50)
Beck
From Wikipedia, the free encyclopedia
Beck (dt. Bäcker, engl. baker) is a Handweaksberuaf mit ra langa Tradition. Da Beck vaorwat grundsetzli amoi Droad, moastns in da Foam vo Mej, des wo mit Wossa, Soiz und am Treibmiddl zuaram Doag griahd wead. Ea braucht fia manche Beckarein owa aa no andane Zuadodn wia Gwiaz, Fett und Oar. Treibmittl san beispuisweis Geam oda Sauadoag. Ausm gangana Doag bocht da Beck im Ofn nachad Brezn, Brod, Semmen, Kuacha und no an Haffa andas Zeig.
![Thumb image](http://upload.wikimedia.org/wikipedia/commons/thumb/2/22/Baker_Oslo.jpg/640px-Baker_Oslo.jpg)
![Thumb image](http://upload.wikimedia.org/wikipedia/commons/thumb/c/c4/Bakermiddleages.jpg/640px-Bakermiddleages.jpg)
Vom Beck untascheidn muass ma an Zuckabeck (Konditoa), wo a Spezialist fia siasse Backwoarn und a oagna Beruaf is.