Bealacha Forst
From Wikipedia, the free encyclopedia
Da Bealacha Forst (dt.: Perlacher Forst) is a 13,36 km² gross gmoafreis Woidgebiet im Siidostn vo Minga. Ea gheat zamma mitm Greawoida Forst und am Forstnriada Park zua „Betriebsklass Sid“ vom Forstamt Minga.
Da Bealacha Forst is fia Minga a wichtigs Noheaholungsgebiet. 20 Kilometa vom Mingara RadlRing fian duachn Bealacha Forst.
Da Woidbstand bsteht weitgehend aus Fichtnmonokuituan, wo ned standortgrecht is. Anno 1990 hod da Orkan Wiebke grosse Schedn ogricht. Dees is dazua gnutzt woan, de zasteatn Fichtnflechn duach standortgrechtn Laabmischwoid afzforstn.