Auvergne-Rhône-Alpes
Region in Frånkreich / From Wikipedia, the free encyclopedia
Auvergne-Rhône-Alpes is da Nam vo ana franzesischn Region, de om 1. Jenna 2016 ausm Zammschluss vo de bishearing Regiona: Auvergne und Rhône-Alpes entstondn is. Da Nam buidd se aus da alphabetischn Reihnfoig vo de fusioniadn Regiona und is znächsd ois voalaifiga Nam vagem worn. Noch om Beschluss vom Regionoirod isa zum 1. Oktoba 2016 vom Conseil d’État ois endguitiga Nam bstätigd worn.[1]
Auvergne-Rhône-Alpes | |
Basisdaten | |
---|---|
Prefektur | Lyon |
President vom Regionalrat | Laurent Wauquiez (LR) |
Eihwohna | 7.994.459 (2018) |
Dichtn | 114,7 Eihwohna je km² |
Fläch | 69.711 km² |
Départements | 13 |
Arrondissements | 39 |
Kantone | 242 |
Gmoana | 4.095 |
ISO 3166-2-Code | FR-ARA |
Auvergne-Rhône-Alpes is mid 69.711 km² de driddgressde Region (ohne Iwasee-Regiona) und hod 7.994.459 Eihwohna (Stond: 2018), womid se noch da Eihwohnazoih de zwoatgressde Region noch da Île-de-France is. Se untateid se in de 13 Départements: Ain, Allier, Ardèche, Cantal, Drôme, Haute-Loire, Haute-Savoie, Isère, Loire, Metropole Lyon, Puy-de-Dôme, Rhône und Savoie. Se grenzd (im Uahzoagasinn) on de: Region Bourgogne-Franche-Comté, de Schweiz, Italien sowia de Regiona Provence-Alpes-Côte d’Azur, Okzitanien, Nouvelle-Aquitaine und Centre-Val de Loire.
Vawoitungssitz vo da Region is Lyon.