Ғиниәтуллина Светлана Ғәйнулла ҡыҙы

Ғиниәтуллина Светлана Ғәйнулла ҡыҙы (7 июль 1975 йыл) — драма актрисаһы. Башҡортостан Республикаһының халыҡ артисы (2014) һәм Шәйехзада Бабич исемендәге йәштәр дәүләт премияһы лауреаты (2008).

Википедияла Ғиниәтуллина фамилиялы башҡа кешеләр тураһында мәҡәләләр бар.

Ғиниәтуллина Светлана Ғәйнулла ҡыҙы
Зат	ҡатын-ҡыҙ
Гражданлыҡ	Рәсәй
Тыуған көнө	7 июль 1975({{padleft:1975|4|0}}-{{padleft:7|2|0}}-{{padleft:7|2|0}}) (49 йәш)
Тыуған урыны	Ҡариҙел районы, Башҡорт АССР-ы, РСФСР, СССР
Һөнәр төрө	актёр
Уҡыу йорто	Заһир Исмәғилев исемендәге Өфө дәүләт сәнғәт институты

Биографияһы

Светлана Ғәйнулла ҡыҙы Ғиниәтуллина 1975 йылдың 7 июлендә Башҡорт АССР-ы Ҡариҙел районының Ҡариҙел ауылында тыуған. Урынлағы 1-се урта мәктәпте^[1], фортепиано буйынса музыка мәктәбен, Заһир Исмәғилев исемендәге Өфө дәүләт сәнғәт институтының театр сәнғәте факультетын (А. И. Карякин курсы, 1997 йыл|1да тамамлай.

Өфөлә Башҡортостан Республикаһы рус дәүләт академия драма театрында, Башҡортостан Республикаһының Мостай Кәрим исемендәге Милли йәштәр театрында, 1997 йылдан Стәрлетамаҡ рус дәүләт драма театрында эшләй.

Иҗады

Амплуасы — лирик-драматик йәш ҡаһармандар, көлкөлө ролдәр.

Уйнаған ролдәре

Анна Демби — «Кин IV, йәки Гений һәм аҙғынлыҡ» (рус. Кин IV или гений и беспутство) Г. Горин Ирина — «Апалы-һеңлеле өсәү» (рус. Три сестры) А. Чехов Катя — «Биш кисә» (рус. Пять вечеров) А. Володин Зөбәрҗәт — «Ай тотолған төндә» (рус. В ночь лунного затмения) М. Кәрим Хильда — «Төзүче Сольнес» (рус. Строитель Сольнес) Төлкө — «Иван VII» (рус. Иван Седьмой) Яҡты йондоҙ — «Арканзас мөғжизәһе йәки Бейеүсе айыу» (рус. Арканзасское чудо или Танцующий медведь) Смельская — «Уңыш хаҡы» (рус. Цена успеха) Любовь — «Һуңғылар» (рус. Последние) Елена Андреевна — «Ваня ағай» (рус. Дядя Ваня) Флоренс — «Сәйер Сэвидж ханым» (рус. Странная миссис Сэвидж) Турандот — «Принцесса Турандот» (рус. Принцесса Турандот) Элиза — «Һаран» (рус. Скупой) Бланш Дюбуа — «Өмөт трамвайы» (рус. Трамвай Желание) Т. Уильямс

Аҡйондоҙ — «Ике хат» (рус. Два письма) М. Кәрим Фея — «Көлбикә» (рус. Золушка) Синьора Өрәк — «Пират һәм өрәктәр» (рус. Пират и Призраки) Женевьева — «Блэз» К. Манье Марианна — «Мәҙәк осрак» (рус. Забавный случай) К. Гольдони Клементина — «Геростратты оноторға» (рус. Забыть Герострата) Маркиза де Мертей — «Ҡурҡыныс элемтәләр» (рус. Опасные связи) Мэг Снайдер — «Примадонналар» (рус. Примадонны) К. Людвиг Шамакай, Убырлы ҡарсык — «Батша ҡыҙы-баҡа» (рус. Царевна-лягушка) Юлия Джули — «Күләгә» (рус. Тень) Е.Шварц Зоя Денисовна Пельц — «Зойканың фатиры» (рус. Зойкина квартира) М. Булгаков Бал ҡорто — «Муха-Цокотуха» Ю. Дунаев Тойбеле — «Ҡатын һәм уның иблисе» (рус. Женщина и ее демон) И. Зингер «Сәләмәт булығыҙ» (рус. Будьте здоровы)

Маҡтаулы исемдәре һәм башҡа бүләктәре

Файл:С.Г.Гыйниятуллина 1.jpg

Светлана Ғиниәтуллина

• 1998 «Актёр йыры» бәйгеһе, лауреат.
• 1999 «Драма артистары йырлай» фестивале, лауреат.
• 2003 «Театр яҙы» республика фестивале (Уфа) — «Иң яҡшы ҡатын-кыҙ роле» номинацияһы еңеүсеһе — Ольшанскийҙың «Хапун» спектаклендәге Галя роле өсөн.
• 2006 Рәсәй Федерацияһы бәләкәй ҡалалар театрҙары фестивале (Вышний Волочек) — жюри призы — Н. В. Гогольның «Өйләнү» спектаклендәге Агафья Тихоновна роле өсөн.
• Рәсәй Федерацияһы театр әһелдәре берлеге дипломы
• Башҡортостан Республикаһының атҡаҙанған артисы (2005)
• 2014 Башҡортостан Республикаһының халыҡ артисы^[2]
• 2008 Башҡортостан Республикаһының Шәйехзада Бабич исемендәге йәштәр дәүләт премияһы — Агафья Тихоновна («Өйләнеү»), Любовь , Турандот ролдәре өсөн.

Һылтамалар

• Стәрлетамағ урыҫ драма театры сайты 2016 йыл 6 август архивланған.
• Ҡараиҙел районы мәҙәниәт бүлеге сайты

Иҫкәрмәләр

1. Караидельской школе № 1 есть, чем гордиться.
2. ИА «Стерлеград» 2019 йыл 7 декабрь архивланған.