From Wikipedia, the free encyclopedia
Э́рнё Ру́бик (Эрно Рубик ; {{Hungarianname|мадьярса Rubik Ernő, 13 июль 1944 йыл) — венгр уйлап табыусыһы, скульптор һәм архитектура профессоры. Күләмле башватҡыстары һәм уйынсыҡтары менән бөтә донъяға билдәле, Рубик шаҡмағы ла (1974) шулар иҫәбенә инә.
| Эрнё Рубик | |
| мадьярса Rubik Ernő | |
 Эрнё Рубик | |
| Исеме |
Э́рнё Ру́бик |
|---|---|
| Тыуған көнө | |
| Тыуған урыны | |
| Гражданлығы | |
| Эшмәкәрлеге |
Архитектор, Рубик шаҡмағын уйлап табыусы |
 Эрнё Рубик Викимилектә | |
Будапештта Икенсе бөтә донъя һуғышы барғанда тыуа. Атаһы — Эстергомдағы заводта авиаинженер, әсәһе шағир була. 1967 йылда Будапешт технология һәм иҡтисад университетының инженерлыҡ факультетын төҙөүсе инженер специальносы буйынса тамамлай, уҡыуын аспирантурала скульпторлыҡ һәм интерьер дизайнеры йүнәлешендә дауам итә. 1971—1975 йылдарҙа архитектор була, шунан ҡабат академияға ҡайта һәм доцент званиеһы ала.
1980-се йылдар башында уйындар һәм башватҡыстар журналының мөхәррире булып китә. 1983 йылда үҙенең мебель дизайны һәм башватҡыстар эшләү буйынса (мадьярса Rubik Stúdió) студияһын аса. 1987 йылда профессор дәрәжәһе ала, 1990 йылда Янош Гинстлер менән бергә венгр техник академияһын (мадьярса Magyar Mérnöki Akadémia) нигеҙләй һәм 1996 йылға тиклем уның президенты була[1]. Академияла айырыуса һәләтле йәш уйлап табыусыларға ярҙам итеү өсөн халыҡ-ара Рубик фонды ойошторола.
Әлеге ваҡытта Эрнё Рубик видеоуйындар эшләүҙә ҡатнаша, архитектура буйынса мәҡәләләр яҙа һәм Рубик студияһына етәкселек итә. Венгрия Халыҡ Республикаһының Дәүләт премияһы (1983), Дэннис Габор исемендәге (1995) һәм Кошут (2007) премиялары менән билдәләнә.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
