Салауат ҡалаһы флагы
From Wikipedia, the free encyclopedia
From Wikipedia, the free encyclopedia
Салауат ҡалаһы флагы — Рәсәй Федерацияһы Башҡортостан Республикаһы Салауат ҡалаһы ҡала округы символы.
Салауат | |
Башҡортостан Республикаһы Рәсәй | |
Раҫланған | |
---|---|
Пропорция |
2:3 |
ДГР номеры |
662 |
Башҡортостан Республикаһының Салауат ҡалаһы ҡала округы Советы ҡарары менән 2000 йылдың 16 июнендә 23-12 номер аҫтында раҫланған.
Башҡортостан Республикаһының Дәүләт символика регистрына 067 регистрацион номеры аҫтында индерелгән.
Рәсәй Федерацияһының геральдик регистрына 662 регистрацион номеры аҫтында индерелгән.
Авторҙары — «Газпром нефтехим Салауат» ААЙ-нең медицина-санитар часы (МСЧ) табиптары А. В. Лаврухин һәм Р. Т. Файезов[1].
Оҙонлоғо киңлегенә 2:3 нисбәтендә булған зәңгәр төҫтәге тура мөйөшлө яҫылыҡ, ул күк, һары һәм йәшел төҫтәрҙә Салауат ҡалаһы гербы композицияһын ҡабатлай[1].
Флаг символдар һәм аллегориялар аша ҡаланың тарихи, мәҙәни һәм географик үҙенсәлектәрен сағылдырған ҡала гербы нигеҙендә эшләнгән.
Йәшел ерлектә ҡурай сәскәһе һүрәтләнгән — дуҫлыҡ символы, уның ете таж япрағы Башҡортостан халҡының тупланыуына һәм берләшеүенә башланғыс һалған ете ырыуҙы кәүҙәләндерә. Ете ырыуҙың береһе булған Юрматы ырыуы территорияһында Салауат ҡалаһы урынлашҡан.
Аҡ ерлектә шартлы-графика рәүешендә нефть химияһы производствоһын кәүҙәләндергән күк төҫтәге һауыт һүрәте төшөрөлгән — ҡала үҙенең барлыҡҡа килеүе, үҫеше, күп кенә ҡаҙаныштары менән уға бурыслы. Нефть химияһы производствоһыилдә иң эреләрҙән һанала һәм ҡала иҡтисадында мөһим роль уйнай.
Флагтың уртаһында һыбайлы һәм ыласын урынлаштырылған, улар азатлыҡҡа ынтылышты һәм ҡалаға исем биргән башҡорт халҡының милли батыры — Салауат Юлаев образын кәүҙәләндерә[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.