From Wikipedia, the free encyclopedia
Ганцева Хәлиҙә Хәнәфи ҡыҙы (8 февраль 1948 йыл) — табип, ғалим, университет уҡытыусыһы. Медицина фәндәре докторы, эске ауырыуҙар пропедевтикаһы кафедраһы профессоры. Башҡорт дәүләт медицина университетының дауалау клиникаһы директоры[1]
Хәлиҙә Хәнәфи ҡыҙы Ганцева 1948 йылдың 8 февралендә Башҡорт АССР-ы Өфө ҡалаһында тыуған.
1956—1966 йылдарҙа Өфөнөң 2-се һанлы урта мәктәбендә уҡый, уны алтын миҙал менән тамамлай.
1972 йылда Башҡорт дәүләт медицина институтын «дауалау эше» һөнәре буйынса отличие менән тамамлай.
1972—1973 йылдарҙа «Химпром» ғәҙәттән тыш хәлдәр министрлығы ҡарамағындағы интернатура программаһы буйынса дауалау һөнәренә әҙерлек үтә (дауахана № 14, Ѳфѳ ҡалаһы).
1973 йылдан алып Башҡорт АССР-ы Ишембай районы Петровский участка дауаханаһында, ә 1976—1977 йылдарҙа — Өфөлә 38 -се поликлиникала эшләй.
1977—1980 йылдарҙа — көндөҙгө бүлектә эске ауырыуҙар пропедевтикаһы кафедраһы аспиранты (ғилми етәксеһе — кафедра мөдире, медицина фәндәре докторы, профессор Р. Ғ. Фәрхетдинов). 1987 йылда «Курортология һәм физиотерапия» темаһына кандидатлыҡ диссертацияһы яҡлай.
1980 йылдан алып Башҡортостан медицина институтында эшләй. 1996 йылдан Башҡортостан Республикаһы аллерголог-иммунологтар Ассоциацияһы президенты булып тора.
1997 йылда Силәбе дәүләт медицина академияһы ҡарамағындағы Диссертация Советында 084.04.01. «Комплексная оценка состояния здоровья и терапия больных поллинозом» темаһына докторлыҡ диссертацияһы яҡлай.
2003 йылдан уҡыу-методик идаралығы етәксеһе булып тора, бер үк ваҡытта 2004 йылдан алып Башҡорт дәүләт медицина университетының эске ауырыуҙар кафедраһы мөдире.
Хәлиҙә Хәнәфи ҡыҙының фәнни эшмәкәрлеге ревматоидлы артритты, поллиноз, аллергия ауырыуҙарын дауалау ысулдарын камиллаштырыуға, юғары мәктәп проблемаларына арналған. Ганцева аллергия ауырыуҙарын дарыуҙар ҡулланмайынса комплекслы дауалау ысулдарын үҙенең дауалау практикаһына индергән.
350-нән ашыу фәнни баҫма авторы, шулар иҫәбендә 5 монография, федераль грифлы 12 уҡыу әсбаптары, 8 патент һәм уйлап табыуҙар тураһында таныҡлыҡ, ЭВМ өсөн программаларҙы рәсми теркәү тураһында 8 таныҡлыҡ. Уҡыу процесын ойоштороу мәсьәләләре буйынса 70-тән ашыу эш баҫтырып сығарған. Ганцева ҡатнашлығында бронхиаль астма менән ауырыусылар өсөн белем биреү программалары эшләнгән, улар Башҡортостан ҡалаларында ойошторолған «аллерго-мәктәптәрҙә» ҡулланыла.
Хәлиҙә Хәнәфи ҡыҙы Ганцева етәкселегендә Өфөлә халыҡҡа аллерголог ярҙамы күрһәтеү системаһы булдырылған, илдең башҡа ҡалаларында уның аналогтары юҡ. Ул шулай уҡ Рәсәй Федерацияһында берҙән-бер «тәмәке бәйлелекле пациенттарға ярҙам күрһәтеү буйынса лаборатория» ойоштороу инициаторы һәм етәксеһе. Лаборатория халыҡ өсөн хәйриә проекты һәм бөтә һөнәр табиптары өсөн фәнни уҡытыу-методик үҙәк булып тора[2].
Атаһы — Ганцев Хәнәфи Әлим улы, 1916 йылда Пенза губернаһы Темниковский районы Енгуразово ауылында тыуған; әсәһе — Йәнекәева Сәйҙә Хәнәфи ҡыҙы, 1925 йылда БАССР-ҙың Раевка станцияһында тыуған.
Ағаһы — Ганцев Шамил Хәнәфи улы.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.