Аллаһ
From Wikipedia, the free encyclopedia
Аллаһ (ғәр. الله) — Исламда юғары илаһи зат.
Иман шарттары |
Исламдың биш нигеҙе |
Шәхестәр |
Ҡөрьәндә Аллаһ бер һәм берҙән-бер илаһи көс, донъяны яралтыусы һәм Ҡиәмәт көнөнән һуң Ахыры заманда хөкөм итеүсе тип әйтелә. Мөхәммәт ﷺ иһә ер йөҙөндә уның һуңғы Пәйғәмбәре (Нәби) һәм илсеһе (Рәсүл). Бына ошоно танып әйтелгән шаһитлыҡ итеү Исламда шәһәҙәт тип атала. Шәһәҙәт әйтеп, кеше мосолманлыҡ ҡабул итә.
Аллаһы Тәғәлә донъяны, мәхлүҡәтте (йән эйәләрен), тәбиғәтте, бәндәләрҙе яралтыусы, бар итеүсе.
Аллаһы Тәғәлә ер йөҙөндәге бәндәләрҙе бергә йыйып, үлеләрҙе терелтеп хөкөм итер, йә тамуҡта-йәһәннәмдә, йә иһә ожмах-йәннәткә юллар. Кешеләргә Аллаһ үҙенең барлығын ғүмәлдәре менән күрһәтә һәм белдерә. Донъялағы һәр бер әйбер — Аллаһ мөғжизәһе.
Ҡөрьән дә — Аллаһ мөғжизәләренең береһе. Аллаһ тураһындағы тәғлимәт — Ислам диненең асылы. Аллаһы Тәғәләнең берҙән-берлеге тураһындағы тәғлимәт (тәүхид) Исламдың төп ҡануны.
![](http://upload.wikimedia.org/wikipedia/commons/thumb/6/60/Istanbul%2C_Hagia_Sophia%2C_Allah.jpg/640px-Istanbul%2C_Hagia_Sophia%2C_Allah.jpg)
.
Ҡөрьәндә күп мәғлүмәт бар Аллаһ Тәғәлә хаҡында, уҡығыҙ Ҡөрьән!