Ҡусмаева Мәрйәм Тимерхан ҡыҙы (1 ғинуар 1952 йыл) — яҙыусы. Рәсәй һәм Башҡортостандың Яҙыусылар союздары ағзаһы.
| Викидатала элемент юҡ |
Мәрйәм Тимерхан ҡыҙы Ҡусмаева 1952 йылдың 1 ғинуарында Башҡорт АССР-ының Күгәрсен районы Хоҙайбирҙин ауылында уҡытыусы ғаиләһендә тыуа.
Балалыҡ, үҫмерлек йылдары атаһының тыуған яғы — Мәләүез ерендә үтә. Нөгөш урта мәктәбенән һуң Стәрлетамаҡ педагогия институтын, Мәскәүҙә Юғары комсомол мәктәбен тамамлай. Бер аҙ Өфөлә матбуғатта эшләй. Ғүмере буйы тыуған яғына тоғро ҡалып, Мәләүездә комсомол ҡала комитетында, «Октябрь юлы» гәзите мөхәрририәтендә, дәүләт органдарында етәксе вазифаларын башҡара, «Сатурн» телевидениеһында фәһемле тапшырыуҙар алып бара. Байтаҡ йылдар «Мәләүез таңдары» әҙәби берекмәһен етәкләй, ижадсыларға ярҙам итә. Фәтҡулла Комиссаровтың «Дауыл булып остом дауылдарҙа» китабын баҫмаға әҙерләй[1].
Рус һәм башҡорт телендә яҙылған шиғырҙары республиканың төрлө баҫмаларында даими баҫыла, хикәйәләр яҙа, бер нисә китабы донъя күрә. 2003 йылда «Айҙың тулған мәле» китабы өсөн — Булат Рафиҡов исемендәге, ә 2012 йылда Фәтҡулла Комиссаров исемендәге премияға лайыҡ була[2].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
