Янышев Фәнис Фәтих улы (2 февраль 1950 йыл) — журналист, яҙыусы, хужалыҡ һәм мәҙәниәт хеҙмәткәре. Мифтахетдин Аҡмулла исемендәге премия лауреаты (2010)[1].
| Фәнис Янышев | |
| Исеме: |
Янышев Фәнис Фәтих улы |
|---|---|
| Тыуған көнө: | |
| Тыуған урыны: | |
| Гражданлығы: | |
| Эшмәкәрлеге: |
журналист, яҙыусы |
| Премиялары: |
М. Аҡмулла исемендәге премия |
Биографияһы
Фәнис Фәтих улы Янышев 1950 йылдың 2 февралендә Башҡорт АССР-ының Миәкә районы Ереклекүл ауылында тыуған. Тамъян ҡәбиләһе бейе, башҡорт кенәзе һәм тарханы Шағәле Шаҡман вариҫы.
1957—1961 йылдарҙа күрше Ҡолтай-Ҡаран, 1961—1966 йылдарҙа Боғҙан урта мәктәбендә уҡый. 1970—1972 йылдарҙа Совет Армияһы сафында хеҙмәт итә.
1981 йылда Башҡортостан ауыл хужалығы институтын тамамлап, агроном һөнәренә эйә була. 1973—1993 йылдарҙа райондың колхоз һәм совхоздарынды эшләй, республика гәзиттәренең, «Башҡортостан» телерадиокомпанияһының хәбәрсеһе була.
1993—1996 йылдарҙа Силәбе ҡалаһында нәшер ителеүсе «Тыуған яҡ» (башҡорт телендә), «Дуслык» (татар телендә) өлкә гәзиттәре мөхәррире, Башҡортостан Республикаһы Милли әҙәби музейы директоры урынбаҫары, «Тамаша» журналының баш мөхәррире урынбаҫары вазифаларын башҡара.
2006 йылда Мәжит Ғафуриҙың Өфөләге мемориаль йорт-музейы директоры итеп тәғәйенләнә.
Хәҙерге ваҡытта Миәкә районы Туҡһанбай ауылындағы Мифтахетдин Аҡмулла музейы директоры.
Ижады
Фәнис Янышев әҙәбиәткә журналистиканан килә. Тәүге мәҡәлә, очерктары республика гәзиттәрендә донъя күрә. Аҙаҡ көсөн хикәйә жанрында һынап ҡарай.
Әҙип фәнни-танып белеү, фантастик башҡорт балалар әҙәбиәтенә нигеҙ һалыуға һәм уны фәнни-хужожестволы, фантастик әкиәт, хикәйә, повесть жанрҙары аша үҫтереүгә ижади өлөш индерә. Ул был йәһәттән — тиҫтәнән ашыу китап авторы.
Фәнис Янышевҡа «Аҡмулла васыяты» повесы башҡорт әҙәбиәтендә прозаик булараҡ танылыу килтерә. Ул башҡорт, үҙ тәржемәһендә рус телдәрендә донъя күрә. Был әҫәре өсөн ул Миәкә районының М. Аҡмулла исемендәге премияға лайыҡ була.
Маҡтаулы исемдәре һәм башҡа бүләктәре
- Мифтахетдин Аҡмулла исемендәге премия лауреаты (2010)[2].
Иҫкәрмәләр
Һылтанмалар
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
