Белорус диаспораһы

Белорус диаспораһы (белор. Беларуская дыяспара) — Белоруссиянан ситтә йәшәгән белорус сығышлы кешеләр берләшмәһе.

Белорус диаспораһы

Белорус диаспораһы Викимилектә

Донъяла белорус диаспораһы иҫәбе.



     Белоруссия      100 000 кешенән күп      0 000 кешенән күп      1 000 кешенән күп

Донъя белорустарының 5-се ҡоролтайы. Минск ҡалаһы, 2009

Төрлө тикшеренеүҙәр мәғлүмәттәре буйынса, белорус диаспораһы 2,5 — 3,5 миллион кеше тәшкил итә. Был иҫәпкә XIX быуат аҙағы — XX быуат башында Белоруссия территорияһынан эмиграцияға китеүселәрҙең вариҫтары, шулай уҡ икенсе донъя һуғышы осоро һәм 1990-сы йылдарҙағы эмигранттар инә. Белорус диаспораһының икенсе төркөмө — СССР эсендә күсенгән, ул тарҡалғандан һуң башҡа советтан һуңғы дәүләттәрҙә йәшәгән кешеләр. Айырым төркөмдө белорус диаспораһы менән бәйле ерле белорус аҙсылығы тәшкил итә. Улар Беларусь Республикаһының Польша, Литва һәм Рәсәй менән сигендә йәшәй.

Белоруссиянан күсеп килеүселәрҙең айырым төркөмөн белорус йәһүдтәре барлыҡҡа килтерә, улар АҠШ-та һәм Израилдә общиналар ойошторған.

Рәсми халыҡ иҫәбен алыу мәғлүмәттәре буйынса, үҙҙәрен белорус тип иҫәпләүсе кешеләр һанының кәмеүе күҙәтелә. Иң ҙур һәм ойошҡан белорус диаспоралары Рәсәйҙә, Украинала, Польшала, АҠШ-та, Канада>ла, Бөйөк Британияла, Литвала, Латвияла һәм Эстонияла бар.

Минскиҙа «Ватан» донъя белорустары ассоциацияһы (Ассоциация белорусов мира «Бацькаўшчына») — бөтә донъялағы белорус сығышлы кешеләрҙе берләштергән халыҡ-ара ойошма булып тора. Ойошма 1990 йылда булдырылған. Әлеге ваҡытта «Бацькаўшчына» ағзалары булып 28 илдән 135 белорус диаспораһы ойошмаһы тора.

1919 йылдан беларусь Халыҡ Республикаһының ҡыуылған хөкүмәте сит илдәрҙә, бигерәк тә Төньяҡ Америкала һәм Көнбайыш Европала күп кенә белорустарҙы берләштереүсе үҙәк булып тора.

БМО мәғлүмәттәре

БМО мәғлүмәттәре буйынса, 2017 йылда донъяла белорус эмигранттарының һаны донъяның 55 илендә 1,5 миллион самаһы кеше тәшкил итә^[1].

БМО-ның 2017 йыл мәғлүмәттәре буйынса донъяла белорус эмигранттарының һаны^[2][3]

Ил	Кеше иҫәбе
Рәсәй Федерацияһы	764 819
Украина	247 989
Польша	79 534
Ҡаҙағстан	70 858
АҠШ	59 517
Латвия	44 485
Италия	32 952
Литва	32 093
Үзбәкстан	26 266
Германия	25 617
Израиль	22 548
Канада	12 131
Эстония	11 331
Ҡырғыҙстан	9 748
Чехия	4 187
Испания	3 922
Бөйөк Британия	3 881
Төркмәнстан	3 841
Франция	3 451
Молдова	3 259
Швеция	2 865
Австралия	2 156
Австрия	1 835
Бельгия	1 597
Греция	1 430
Швейцария	1 239
Грузия	1 087
Норвегия	1 072
Болгария	1 064
Португалия	962
Дания	815
Ливия	778
Тажикстан	698
Ирландия	657
Әзербайжан	450
КАР	395
Финляндия	391
Нидерланд	368
Кипр Республикаһы	362
Төркиә	354
Әрмәнстан	327
Аргентина	315
Мысыр	262
Словакия	223
Венгрия	216
Словения	156
Сербия	133
Хорватия	91
Исландия	45
Люксембург	43
Мальта	35
Бразилия	10
Коста-Рика	5
Боливия	5
Чили	5
Донъяла	1 484 875

Иҫкәрмәләр

1. International migrant stock: The 2017 revision (ингл.). un.org. Дата обращения: 25 апрель 2022. Архивировано 10 апрель 2019 года.
2. International migrant stock: The 2017 revision (ингл.). un.org. Дата обращения: 25 апрель 2022. Архивировано 10 апрель 2019 года.
3. Белорусы зарубежья  (урыҫ). mfa.gov.by. Дата обращения: 24 март 2021. Архивировано 3 март 2021 года.

Һылтанмалар

• Сайт белорусской диаспоры в США
• Сообщество белорусов США в Facebook