![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e1/Ana_Maria_Ventura_como_Altisidora_en_%2522La_enamorada_del_rey%2522_%25281988%2529.jpg/640px-Ana_Maria_Ventura_como_Altisidora_en_%2522La_enamorada_del_rey%2522_%25281988%2529.jpg&w=640&q=50)
Театр
From Wikipedia, the free encyclopedia
Театр (боронғо грек θέατρον — тамаша ҡылыу урыны, θεάομαι — ҡарайым, күрәм) — авторҙың (ижад итеүсенең) уй-фекерҙәрен, хис-тойғоларын тамашасыларға еткерә торған сәнғәт төрө[1][2][3][4].
Театр | |
![]() | |
Ҡайҙа өйрәнелә | социология театра[d] һәм театроведение[d] |
---|---|
Вики-проект | Проект:Театр[d] һәм WikiProject Performing arts[d] |
Категория-эпоним | Категория:Театрҙар категориялары |
![]() |
![Thumb image](http://upload.wikimedia.org/wikipedia/commons/thumb/3/38/Panor%C3%A1mica_interior_del_Teatro_Col%C3%B3n_%28cropped%29.jpg/640px-Panor%C3%A1mica_interior_del_Teatro_Col%C3%B3n_%28cropped%29.jpg)
![Thumb image](http://upload.wikimedia.org/wikipedia/commons/thumb/d/dc/Bloktheatre.jpg/320px-Bloktheatre.jpg)
Актёр тарафынан авторҙың хис-тойғоларын тамашасыларға еткереү тамаша тип атала. Ҡағиҙә булараҡ, актёр пьесала яҙылған кисерештәрҙе күрһәтә. Тамаша ваҡытында актёр үҙенең кәүҙәһе, хәрәкәттәре, ым-ишараһы, тауышы, төрлө предметтар ярҙамында эш итә.
«Театр» төшөнсәһе төрлө төрҙәрҙе һәм формаларҙы үҙ эсенә ала: драма театры, опера, балет, ҡурсаҡ, пантомима театры һ. б[5].
Бөтә ваҡыттарҙа ла театр коллектив сәнғәтте күрһәткән; хәҙерге театрҙа спектакль ҡуйыуҙа, актёрҙар һәм режиссёрҙан тыш (дирижёр, балетмейстер), рәссам-сценограф, композитор, хореограф ҡатнаша, шулай уҡ бутафорҙар, костюмерҙар, гримёр, сәхнә күренештәре, яҡтыртыу була[1][6].
Театр үҫеше һәр ваҡыт йәмғиәт үҫешенән һәм дөйөм алғанда, мәҙәниәт торошонан айырылғыһыҙ була — ижтимағи үҫеш үҙенсәлектәре менән уның тарҡалыуы йәки үҫеше, театрҙа теге йәки был художество тенденцияларының өҫтөнлөк итеүе һәм уның илдәге рухи тормоштағы роле менән бәйле була[2][3].