From Wikipedia, the free encyclopedia
Крайстчерч[3][4] (ингл. Christchurch, маори Ōtautahi) — Яңы Зеландияның Көньяҡ утрауындағы Кентербери төбәгенең үҙәге булып торған ҡала. Инглизсә атамаһының тәржемәһе — «Христос сиркәүе».
Крайстчерч | |
ингл. Christchurch маори Ōtautahi | |
Флаг | |
![]() | |
Нигеҙләү датаһы | 1848 |
---|---|
![]() | |
Рәсми атамаһы | Christchurch һәм Ōtautahi |
Ҡушамат | Garden City |
ХФА-лағы транскрицияһы | /'kraɪstʃɜːrtʃ/ |
Кем хөрмәтенә аталған | Крайст-черч[d] |
Донъя ҡитғаһы | Океания |
Дәүләт |
![]() |
Административ үҙәге | Кентербери[d] һәм Christchurch City[d] |
Административ-территориаль берәмек | Christchurch City[d] |
Сәғәт бүлкәте | UTC+12[d] һәм UTC+13[d] |
Халыҡ һаны | 383 200 кеше (30 июнь 2020)[2] |
Диңгеҙ кимәленән бейеклек | 20 ± 1 метр |
Туғандаш ҡала | Сиэтл, Баия-Бланка[d], Ухань, Аделаида[d], Крайстчерч (Дорсет), Курасики[d], Ланьчжоу[d] һәм Сонпхагу[d] |
Милке | Queen Elizabeth II Park[d] |
Майҙан | 295,15 км² |
Почта индексы | 8011, 8013, 8014, 8022, 8023, 8024, 8025, 8041, 8042, 8051, 8052, 8053, 8061, 8062, 8081, 8082 һәм 8083 |
Рәсми сайт | ccc.govt.nz |
Тема иҡтисады | economy of Christchurch[d] |
Урындағы телефон коды | 03 |
Ҡапма-ҡаршыһы | Ла-Корунья[d] |
![]() |
Ҡала исеменән маори теленән Те Фенуа О Те Потики-Таутахи (маори Te Whenua o Te Potiki-Tautahi) тип атала, әммә ҡыҫҡартылған исеме Отаутаха (маори Ōtautahi) күпкә киң таралған.
Археологтар мәғлүмәттәре буйынса, был урындың беренсе кешеләре булып моа йәнлегенә һунарсылар була. XIII быуатта был күсенеүселәрҙең исеме тарихта һаҡланып ҡалмаған, XVI быуатта улар Төньяҡ утрауынан күсеп килгән маори иви вайтахалар тарафынан юҡ ителгән. Ҡәбиләләр араһындағы һуғыштарҙа артабан иви ҡәбиләһе нгати-мамоеҡәбиләһе тарафынан, ә былары, үҙ сиратында, нгай-таху ҡәбиләләре тарафынан юҡ ителгән.1840 йылда аҡ тәнлеләр был территорияларҙы баҫып алған.
1840 йылда ауылға нигеҙ һалыусылар булып Сидней ҡалаһынан килгән кит һунарсылары тора, улар бында йылдың айырым миҙгелендә генә килгәндәр һәм кит аулау араһында ял итергә туҡталғандар.
1848 йылда Лондонда Кентербери архиепискобы Джон Самнер рәйеслегендә Кентербери ассоциацияһы барлыҡҡа килә. Уның маҡсат- Яңы Зеландияның Көньяҡ утрауында англия колонияһын булдырыу тора Ауылға шул уҡ йылдың 27 мартында — Крайстчерч тигән исем бирелә. Ҡалаға нигеҙ һалынған көндөң рәсми датаһы тип был көн һанала. Ысынбарлыҡта иһә колонистар тулған дүрт караптың беренсеһе ҡала бухтаһына 1850 йылдың 16 декабрендә килеп туҡтай. Караптар Англиянан барлығы 792 кешене был ҡалаға күсереп килтерә[5].
Биләмә тиҙ үҫешә, 1856 йылдың 31 июлендә уға (Яңы Зеландияла беренсе булып) рәсми рәүештә ҡала статусы бирелә, ә 1863 йылда пассажирҙар йөрөтөүсе Ferrymead Railway тимер юлы асыла, ул әле лә эшләй.
2011 йылдың 22 февралендә ҡалала көслө ер тетрәү була. Унда һәләк булыусыларҙың һаны 185 кешегә етә[6]. 1931 йылдан алып был иң көслө ер тетрәү була. Яңы Зеландия хөкүмәте ҡаланы яңынан тергеҙеү өсөн 14 миллиард доллар аҡса бүлеүҙе планлаштыра[7][8].
Ҡала Көньяҡ утрауының көнсығыш яр буйында , Кентербери тигеҙлегенең үҙәгендә, Эйвон һәм Хиткот йылғаларының Пегас ҡултығына ҡойған ерҙә урынлашҡан. Крайстчерч көньяҡтан вулкан сығышлы Порт-Хилс тау теҙмәләре менән, төньяҡтан — Ваймакарири йылғаһы менән сикләнгән.
Крайстчерч һигеҙ пар ҡала -антиподы араһына инә һәм галисий ҡалаһы Ла-Коруньяның антиподы булып тора.
Һыу торбалары һыуы сифаты буйынса ҡала донъяла беренсе урында тора, бында экологик таҙа Көньяҡ Альп битләүҙәренән һыу туранан-тура торбалар буйынса ҡалаға килтерелә.
Крайстчерч һәм уның яҡын райондарында уртаса диңгеҙ климаты өҫтөнлөк итә, һауа температураһы йәйге осорҙа (декабрь — февраль) +15 °С-ҙан + 25 °C-гә тиклем һәм һауа температураһын ҡышҡы осорҙа (июнь — август) +5 °С-ҙан +15 °C-гә тиклем. Төндәрен ҡыш айҙарында һауа температураһының 0 °C-гә тиклем төшөүе мөмкин. Ҡышҡы осорҙа ҡала һауаһы бер аҙ бысранырға мөмкин, хәйер, уның бындай проблемалары башҡа илдәрҙең эре индустриаль ҡалалары менән сағыштырырлыҡ түгел, уларҙан байтаҡҡа яҡшыраҡ.
Ҡала климаты | |||||||||||||
---|---|---|---|---|---|---|---|---|---|---|---|---|---|
Күрһәткес | Ғин | Фев | Мар | Апр | Май | Июн | Июл | Авг | Сен | Окт | Ноя | Дек | Йыл |
Уртаса максимум, °C | 22,3 | 21,8 | 20,1 | 17,4 | 14,0 | 11,3 | 10,7 | 12,1 | 14,5 | 17,1 | 19,1 | 21,0 | 16,8 |
Уртаса температура, °C | 17,2 | 16,7 | 15,2 | 12,2 | 8,8 | 6,2 | 5,8 | 7,1 | 9,4 | 11,8 | 13,9 | 15,9 | 11,7 |
Уртаса минимум, °C | 12,1 | 11,6 | 10,3 | 6,9 | 3,7 | 1,0 | 0,8 | 2,1 | 4,3 | 6,5 | 8,6 | 10,8 | 6,6 |
Яуым-төшөм нормаһы, мм | 46 | 42 | 58 | 53 | 58 | 51 | 68 | 60 | 41 | 44 | 50 | 45 | 615 |
Сығанаҡ: World Climate |
Крайстчерч халыҡ статистикаһы идаралығы мәғлүмәттәре буйынса 2013 йылда ҡалала 341 мең кеше , агломерацияһында — 379 мең кеше йәшәй. Көньяҡ утрауындағы ҙурлығы буйынса (Оклендтан һуң) икенсе урынды биләүсе ҡала.
Халыҡтың раса- этник составы:
Халыҡтың 86 % өйҙә инглиз телендә һөйләшә.
Ҡала һәм төбәк иҡтисадының төп тармағы булып ауыл хужалығы, аҙыҡ-түлек сәнәғәте һәм туризм тора. Һуңғы йылдарҙа ҡалала юғары технологиялы предприятиелар булдырыла һәм фәнни тармаҡтар ныҡ үҫешә, шул иҫәптән, биотехнологиялар һәм әҙерләү программалары менән тәьмин итеү. Бының өс сәбәптәренең береһе булып ҡала университететтары (Кентербери университеты, Линкольн университеты, Отаго университетының Медицина мәктәбе) тора.
XХ быуаттың беренсе яртыһында Крайстчерч Яңы Зеландияның төп сәнәғәт үҙәктәренең береһе була (Окленд менән бер рәттән), ҡалала туҡыу предприятиелары, аяҡ кейеме һәм металлургия сәнәғәте эшләй, әммә 1990 йылдар аҙағында уларҙың күбеһе Ҡытай һәм Көньяҡ-Көнсығыш Азия илдәренә күсерелә.
Крайстчерч халыҡ-ара аэропорт (IATA: CHC, ICAO: NZCH) менән хеҙмәтләндерелә, йылына 5,56 миллион кеше аэропорт менән файҙалана. Яңы Зеландияның бөтә ҡалаларына регуляр авиарейстар башҡарыла, шулай уҡ Брисбен, Перт, Сидней, Бангкок, Сингапур, Нанди, Мельбурн, Дубай, Голд-Кост һәм Токио ҡалаларына самолеттар даими оса.
Диңгеҙ порты ҡаланың юлдашы булған Литтелтон ҡалаһында тора, ул (Окленд портынан һуң) пассажирҙар һәм йөк әйләнеше күләме буйынса илдә икенсе урынды биләй.
Йәмәғәт транспорты автобустарҙың маршрут селтәре Metro тарафынан һәм бер трамвай линияһы тарафынан хеҙмәтләндерелә.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.