amerikalı aktyor From Wikipedia, the free encyclopedia
Çedvik Aaron Bouzman (29 noyabr 1976[1], Anderson[d], Cənubi Karolina – 28 avqust 2020[2][3][…], Los-Anceles, Kaliforniya[4])[lower-alpha 1] — ABŞ aktyoru və prodüseri. "42" (2013), "Ayağa qalx" (2014) və "Marşal" (2017) kimi filmlərdə real şəxsləri canlandırmışdır. O, həmçinin "Qara pantera" (2018), "Birinci qisasçı: Qarşıdurma" (2016), "Qisasçılar: Sonsuzluq savaşı" (2018) və "Qisasçılar: Final" (2019) filmlərində Qara pantera rolunu canlandırması ilə məşhurdur.
Çedvik Bouzman | |
---|---|
ing. Chadwick Boseman | |
![]() | |
Doğum adı | Chadwick Aaron Boseman |
Doğum tarixi | 29 noyabr 1976[1] |
Doğum yeri |
|
Vəfat tarixi | 28 avqust 2020[2][3][…] (43 yaşında) |
Vəfat yeri | |
Vəfat səbəbi | kolorektal xərçəng[4][5] |
Vətəndaşlığı | |
Fəaliyyəti | ssenarist, dramaturq, kino aktyoru, televiziya aktyoru, film prodüseri, səsləndirmə aktyoru[d], aktyor, rejissor |
Fəaliyyət illəri | 2002–2020 |
Təhsili | |
IMDb | ID1569276 |
![]() |
Bouzmanın digər filmlərinə "21 körpü" (2019) və "Beş qan" (2020) filmləri daxildir. Dörd il kolorektal xərçənglə mübarizə apardıqdan sonra 43 yaşında ölmüşdür.[11][12][13] Onun ən sonuncu filmi "Ma Reyninin qara ətəyi" 2020-ci ildə ölümündən sonra Netflix-də buraxılıb.
Bouzman afroamerikalı cütlük Karolin[14] və Leroy[15] Bouzmanın oğlu kimi Cənubi Karolinanın Anderson şəhərində doğulmuş və böyümüşdür.[16][17][18] Bouzmanın sözlərinə görə DNT testi onun əcdadlarının Syerra-Leonedən olan Krio xalqı, Nigeriyadan olan Yoruba xalqı və Syerra-Leonedən olan Limba xalqı olduğunu göstərmişdir.[19] Onun anası tibb bacısı idi, atası isə parça fabrikində işləyirdi.[20] Bouzman 1995-ci ildə T.L.Anna liseyindən məzun olmuşdur.[21] Həmin illərdə ilk tamaşasını yazmış və sinif yoldaşının öldürülməsindən sonra səhnələşdirmişdir.
Bouzman Vaşinqtonda Hovard Universitetinə daxil olmuş və 2000-ci ildə rejissorluq ixtisası üzrə bakalavr dərəcəsi almışdır. Müəllimlərindən biri Filisiya Raşadın dəstəyi ilə Londondakı bir proqrama qatılmışdır.
Bouzman film rejissoru olmaq istəyirdi və aktyorları daha yaxşı başa düşmək üçün özü də aktyorluqla maraqlanmağa başlamışdır. ABŞ-yə qayıdandan sonra Nyu-Yorkda Rəqəmsal Film Akademiyasından məzun olmuşdur.[22][23]
Karyerasının başlanğıcından Bruklində yaşayırdı. Bouzman Şomburq təqaüdü proqramı çərçivəsində dram təlimçisi kimi işləmiş, 2008-ci ildə aktyorluq karyerası üçün Los-Ancelesə köçmüşdür.
Bouzmanın televiziyada ilk rolu 2003-cü ildə "Üçüncü saat" serialında olmuşdur.[24] Həmin il o, "Mənim bütün uşaqlarım" sabun operasında Reqqi Montqomerini canlandırsa da, prodüserlər ssenaridəki irqçi streotiplər üzündən onu roldan çıxarmışdırlar.[25] Maraqlıdır ki, onu bu rolda əvəz edən şəxs daha sonra "Qara pantera" filmində baş rolları bölüşəcəyi Maykl Cordan olmuşdur. Bouzman ilk televiziya işlərinə "Qanun və əmr", "CSI:NY" və "Təcili xidmət" serialları olmuşdur. O, həmçinin tamaşalar yazmağa davam etmiş, "Dərin azur" üçün yazdığı ssenari Çikaqoda səhnləşdirilmişdir. O, bu işinə görə 2006-cı ildə Cozef Cefferson mükafatını qazanmışdır. 2008-ci ildə "Linkoln yüksəklikləri" serialında mütəmadi oynamış və ilk filmi olan "Ekspress: Erni Devis hekayəsi" filmində oynamışdır. 2010-cu ildə "Naməlum şəxslər" serialında mütəmadi rolda oynamışdır.
Bouzmanun ilk baş rolu 2013-cü ildə çəkilmiş "42" filmi olmuşdur. O, bu filmdə beyzbol ulduzu Ceki Robinsonu canlandırmışdır.[26] Rol üçün səs sınaqlarına gedəndən sonra aktyorluq karyerasını buraxmağı düşünürdü. Rol üçün 25 aktyor namizəd olsa da, rejissor Brayan Helgeland onun cəsarətini bəyənmiş və baş rola onu seçmişdir.[27] 2013-cü ildə Bouzman "Ölüm dəliyi" filmində də baş rolda oynamışdır.
2014-cü ildə Bouzman "Draft günü" filmində oynamışdır. Növbəti il "Ayağa qalx" filmində Ceyms Braunu canlandırmışdır.[28] 2016-cı ildə "Misir tanrıları" filmində Tot personajı ilə çıxış etmişdir.
2016-cı ildən başlayaraq Marvel Comics personajı Qara pantera rolunda çıxış etməyə başlamışdır. Marvel-lə 5 filmlik müqavilə imzaladıqdan sonra bu rolda ilk dəfə "Birinci qisasçı: Qarşıdurma" filmində rol oynamışdır.[29] 2018-ci ildə "Qara pantera" filmində baş rolda çıxış etmişdir. Film böyük uğur əldə etmiş və ilin ən çox gəlir əldə edən filmlərindən olmuşdur. "Qisasçılar: Sonsuzluq savaşı" və "Qisasçılar: Final" filmlərində roluna davam etmişdir. Hər iki film də böyük gəlir əldə etmişdir.[30] 2019-cu ildə "21 körpü" filmində baş rolda oynamışdır. 2020-ci ildə isə Netflix-in müharibə filmi olan "Beş qan" filmində çıxış etmişdir.[31]
Bouzman xristian kimi böyüyüb və kilsə xorunda çıxış edib.[32] Bouzman qeyd etmişdi ki, Qara pantera roluna seçilməsi üçün tanrıya dua etmişdi.[33]
2015-ci ildə müğənni Teylor Simon Ledvardla görüşməyə başlamış,[34] 2019-cu ildə onunla nişanlanmış və daha sonra gizlicə evlənmişdir.[35]
Bouzmana 2016-cı ildə III mərhələ kolorekral xərçəng diaqnozu qoyulmuşdur, 2020-ci ildə isə IV mərhələyə çatmışdır. Bouzman öz xəstəliyi barədə ictimai açıqlama verməmişdir. Müalicəsi zamanı digər filmlərdə rol almağa davam etmişdir. 28 avqust 2020-ci ildə evdə ailəsinin yanında ölmüşdür.[11]
Çedvikin ölümü kino dünyasında böyük şok yaratmışdır. Marvel filmlərində onunla birlikdə çıxış etmiş Mark Ruffolo, Kris Evans, Kris Prett, Zoe Saldana, Bri Larson kimi aktyor və aktrisalar onun ölümü haqqında paylaşımlar ediblər. Onun ölümünü yad edən digər aktyor və aktirsalar arasında Duayn Conson, Maherşala Ali, Zakari Livay və başqaları olub. "42" filmində Ceki Robinson roluna görə Əsas Beyzbol Liqası da onun ölümü ilə bağlı paylaşım edib.
İl | Başlıq | Rol | Rejissor | Qeydlər | İst. |
---|---|---|---|---|---|
2008 | Ekspress: Ervi Devis hekayəsi | Floyd Littl | Qeri Fleder | [36] | |
2012 | Ölüm dəliyi | Samuel Dreyk | Mişa Uebli | [37] | |
2013 | 42 | Ceki Robinson | Bryan Helqeland | [36] | |
2014 | Draft günü | Vontae Mak | İvan Reytman | [38] | |
Ayağa qalx | Ceyms Braun | Teyt Teylor | [36] | ||
2016 | Misir tanrıları | Tot | Aleks Proyas | [39] | |
Birinci qisasçı: Qarşıdurma | T'Çalla / Qara pantera | Antoni & Co Russo | [40] | ||
Kraldan mesaj | Cekob Kinq | Fabrice Du Welz | Həmçinin icraçı prodüser | [41] | |
2017 | Marşall | Turqud Marşall | Recinald Hudlin | Həmçinin prodüser | [42] |
2018 | Qara pantera | T'Çalla / Qara pantera | Rayan Kuqler | [43] | |
Qisasçılar: Sonsuzluq savaşı | Antoni & Co Russo | [44] | |||
2019 | Qisasçılar: Final | [45] | |||
21 körpü | Andre Devis | Brayan Kirk | Həmçinin prodüser | [46] | |
2020 | Beş qan | Norman İrl "Stormin' Norm" Hollovay | Spayk Li | [47] | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.