Vibe Biyker

Vibe E. Biyker (nid. Wiebe E. Bijker; 19 mart 1951, Delft, Cənubi Hollandiya^[1]) — Niderlandlı professor və sosioloq. O, Niderlandın Maastrixt Universitetində Sosial Elmlər və Texnologiyalar Departamentinin keçmiş sədridir.

Vibe Biyker
Doğum tarixi	19 mart 1951(1951-03-19) (73 yaş)
Doğum yeri	Delft, Cənubi Hollandiya, Niderland[1]
Təhsili	Delft Texnologiya Universiteti
cris.maastrichtuniversity.nl/…
Vikianbarda əlaqəli mediafayllar

Həyatı

Vibe Biykerin atası Eko Biyker 1953-cü ildə gənc Biyker iki yaşında olarkən fəlakətli bənd yarmasından sonra Delta planının həyata keçirilməsində iştirak edən mühəndis idi. O, daha sonra Delft Hidravlika Laboratoriyasının direktor müavini olmuşdur.^[2] Ehtimal olunur ki, Niderlandın bəzi hissələrinin dəniz səviyyəsindən aşağıda olması faktı, əsrlər boyu bu vəziyyəti əhatə edən innovasiyalar barədə narahatlıqlar və atasının bu prosesdə iştirakı gənc Biykerin texnologiya araşdırmalarında marağına səbəb olmuşdur.^[3]

1969-cu ildə Emmelordda gimnaziyanı bitirdikdən sonra Biyker 1974-cü ildə Amsterdam Universitetində fəlsəfə üzrə bakalavr dərəcəsini, 1976-cı ildə Delft Texnologiya Universitetində fiziki mühəndislik üzrə mühəndis dərəcəsini və 1990-cı ildə Tvente Universitetində fəlsəfə doktoru dərəcəsini almışdır.

Karyerası

Biyker 1987-ci ildən Maastrixt Universitetində fəlsəfə üzrə assistent və dosent olmuşdur. O, sonradan, 1994-cü ildə texnologiya və cəmiyyət üzrə tam professor olmuşdur. Biykerin tədqiqat sahələrinə elm, texnologiya və cəmiyyətin sosial və tarixi tədqiqatları, texnologiyanın inkişafı nəzəriyyələri, elm, texnologiya və cəmiyyətşünaslıq metodologiyası, texnoloji mədəniyyətin demokratikləşməsi, elm və texnologiya siyasəti, İKT, multimedia və informasiya cəmiyyətinin sosial-mədəni ölçüləri, gender və texnologiya, memarlıq, planlaşdırma və mülki mühəndisliyin meta tədqiqatları daxildir. O, Trevor Pinç ilə texnologiyanın sosial konstruksiyası yanaşmasının (SCOT) əsas tərəfdarlarından biri hesab olunur.^[4] Onların 1984-cü ildə dərc olunan "The Social Construction of Facts and Artefacts: or How the Sociology of Science and the Sociology of Technology might Benefit Each Other" adlı əsərləri SCOT perspektivi üzərində işlənən ilk əsaslı iş kimi qeyd olunur.^[5] SCOT nəzəri çərçivəsinin mərkəzində "şərh çevikliyi" ideyası dayanır. Odur ki, burada elmi və texnoloji səylərin məhsulları fiziki təbiətlə müəyyən edilmiş spesifik bir trayektoriyada sabitlənmir, əksinə onların istehsal olunduğu sosial mühitlə qarşılıqlı əlaqədə olur.^[6] Biyker və Pinç öz nəzəri arqumentlərini göstərmək üçün 1984-cü ildə dərc olunan məqalələrində müxtəlif istifadəçi qruplarının, istehsalçıların və maraqlı başqalarının təsiri ilə velosipedin inkişafından və onun əsaslı formalaşdırılmasından istifadə edirlər.^[7]

Vibe Biyker 12 may 2017-ci ildə fəxri professor olmuşdur.^[8]

Seçilmiş əsərləri

Kitablar

• Bijker, Wiebe E.; Hughes, Thomas P.; Pinch, Trevor. The social construction of technological systems: new directions in the sociology and history of technology. Cambridge, Massachusetts: MIT Press. 1987. ISBN 9780262022620.
• Bijker, Wiebe E.; Law, John. Shaping technology/building society: studies in sociotechnical change. Cambridge, Massachusetts: MIT Press. 1992. ISBN 9780262521949.
• Bijker, Wiebe E. Of bicycles, bakelites, and bulbs: toward a theory of sociotechnical change. Cambridge, Massachusetts: MIT Press. 1995. ISBN 9780262023764.
• Bijker, Wiebe E.; van Lieshout, Marc; Egyedi, Tineke M. Social learning technologies: the introduction of multimedia in education. Aldershot, England Burlington, Vermont: Ashgate. 2001. ISBN 9780754614098.
• Bijker, Wiebe E.; Bal, Roland; Hendriks, Ruud. The paradox of scientific authority: the role of scientific advice in democracies. Cambridge, Massachusetts: MIT Press. 2009. ISBN 9780262258609.
• Bijker, Wiebe E.; Hommels, Anique; Mesman, Jessica. Vulnerability in technological cultures: new directions in research and governance. Cambridge, Massachusetts: MIT Press. 2014. ISBN 9780262525800.

Jurnal məqalələri

• Bijker, Wiebe E. "How is technology made? – That is the question!". Cambridge Journal of Economics. 34 (1). January 2010: 63–76. doi:10.1093/cje/bep068.

Həmçinin bax

• Sosiotexnologiya

İstinadlar

1. (unspecified title). 2019.
2. Bijker, Wiebe E. "The Oosterschelde storm surge barrier: a test case for Dutch water technology, management, and politics". Technology and Culture. 43 (3). July 2002: 569–584. doi:10.1353/tech.2002.0104. JSTOR 25147960.
3. See also Latour, Bruno, Centres of calculation // Latour, Bruno (redaktor), Science in action: how to follow scientists and engineers through society, Cambridge, Massachusetts: Harvard University Press, 1987, səh. 230, ISBN 9780674792913 et seq. Latour, a colleague of the younger Bijker, uses the father's genius in engineering to illustrate how scientists gain control over, or mobilize, difficult-to-manage objects.
4. Tympas, Aristotle, Methods in the history of technology, Volume 2 M-Z Index // Hempstead, Colin; Worthington, William E. (redaktorlar ), Encyclopedia of 20th-century technology, New York, New York: Routledge, 2005, səh. 487, ISBN 9781579583866
5. Klein; Kleinman. "The Social Construction of Technology: Structural Considerations". Science, Technology, & Human Values. 27. January 1, 2002: 28–52. doi:10.1177/016224390202700102.
6. (#empty_citation)
7. Pinch, Trevor; Bijker, Wiebe. "The Social Construction of Facts and Artefacts: Or How the Sociology of Science and the Sociology of Technology Might Benefit Each Other". Social Studies of Science. 14 (3). 1984: 399–441. doi:10.1177/030631284014003004.
8. "Wiebe Bijker (W.E.) - Maastricht University". www.maastrichtuniversity.nl (ingilis). 2019-09-24 tarixində arxivləşdirilib. İstifadə tarixi: 2018-10-25.

Xarici keçidlər

• Personal website at University of Maastricht