From Wikipedia, the free encyclopedia
Sun Yuytsi (çin. 宋雨琦, kor. 송우기; 23 sentyabr 1999[1], Pekin) və ya tanınan səhnə adı ilə Uqi (kor. 우기) – Çin müğənnisi, mahnı yazarı və rəqqası. "(G)I-dle" qrupunun üzvüdür. 2021-ci ildə "A Page" sinql albomu ilə solo debüt etmişdir.
| Uqi | |
|---|---|
| çin. 宋雨琦 | |
 | |
| Ümumi məlumatlar | |
| Doğum tarixi | 23 sentyabr 1999[1] (25 yaş) |
| Doğum yeri | |
| Musiqiçi məlumatları | |
| Fəaliyyəti | pop müğənnisi, aktrisa, mahnı yazarı[d], bəstəkar |
| Fəaliyyət illəri | 2018-ci ildən |
| Janrlar | K-pop, dans-pop |
| Albom şirkəti | Cube Entertainment[d] |
| Üzvlüyü | |
 |
|
 Vikianbarda əlaqəli mediafayllar | |
Sun Yuytsi 23 sentyabr 1999-cu ildə Çinin paytaxtı Pekində doğulmuşdur. Pekində yerləşən 101 Orta Məktəbində təhsil almışdır.[2] "Cube Entertainment" tərəfindən Pekində keçirilmiş seçimlərə qatılmış, "CLC" qrupunun "High Heels" və "G. E. M." qrupunun "Bubble" mahnısını ifa etmişdir.[3] O, seçimlərə keçirək "Cube Entertainment"ə qatılmışdır.
Uqi 8 aprel 2018-ci ildə "Cube Entertainment" tərəfindən yaradılmış yeni qrupun – "(G)I-dle" qız qrupunun üzvü olduğunu açıqlamışdır.[4] 2 may 2018-ci ildə "Latata" mahnısı ilə qrupda debüt etmişdir.[5] 2019-cu ildə Çinin "Qaçmağa davam et" televiziya şousunda iştirak etmişdir.[6] Həmin ilin sentyabrında Çinin "Ziyarətçilər, zəhmət olmasa diqqət yetirin" verilişinin bağlanış mahnısını ifa etmişdir.[7]
2020-ci ilin mayında "I'm the Trend" mahnısı ilə mahnı yazarı və bəstəkar kimi debüt etmişdir. Bu mahnı "(G)I-dle" qrupunun fanatlarına həsr olunmuşdur.[8] Qrupun ilk sinql albomu "Dumdi Dumdi" üçün çin dilində sözlər yazmışdır.[9] 17 sentyabr 2020-ci ildə KakaoTV-də yayımlanan "Yolu öyrən" verilişin aparıcısı olmuşdur.[10] 11 yanvar 2021-ci ildə "(G)Idle" "I Burn" minialbomunu buraxmışdır. Uqi alboma daxil olan "Lost" mahnısını yazmış və bəstələmişdir.[11] Növbəti ay albomun əsas mahnısı "Hwaa" üçün çincə sözlər yazmışdır.[12] 6 mayda "A Page" albomu ilə solo debüt edəcəyi açıqlanmışdır.[13] O, 27 oktyabrda Pekində baş tutan Qış Olimpiya Oyunlarında "Salute to the Heroes" mahnısı ilə çıxış etmişdir.[14] Uqi 2021-ci ildə Çinin bir sıra verilişlərində iştirak etmişdir.[15]
Uqi 2021-ci ilin sonunda Cənubi Koreyaya qayıtmışdır.[16] 14 mart 2022-ci ildə qrupunun ilk studiya albomu "I Never Die" albomuna daxil olan "Polaroid" və "Liar" mahnılarının bəstəkarı və söz yazarı olmuşdur.[17] Həmin ilin oktyabrında buraxılmış "I Love" minialbomundakı "Reset" və "Dark (X-File)" mahnılarını bəstələmişdir.[18] 2023-cü ilin fevralında Uqi və qrup yoldaşı Miyon "Səndən nifrət etməyi sevirəm" serialı üçün "Sweet Dream" mahnısını buraxmışdırlar.[19] 14 dekabr 2023-cü ildə Alan Volkerlə əməkdaşlıq edərək "Fire!" sinqlını ifa etmişdir.[20] 27 fevral 2024-cü ildə "Mənim ərimlə evlən" serialı üçün "Bad Liar" mahnısını buraxmışdır.[21] O, 22 mart 2024-cü ildə Koreyada solo debüt edəcəyini açıqlamışdır.[22] "Yuq1" adlı solo minialbomu 23 apreldə buraxılmışdır.[23]
Uqi Cənubi Koreyaya 2016-cı ildə gəlmişdir.[24] O, yüksək səviyyədə olan koreya dili bacarıqlarına görə tanınır.[25] 2020-ci ildə TOPIK testində 5-ci səviyyəni (222 xalla) əldə etmişdir. O, Kim Su-Hyonu onun koreya dili "müəllimi" adlandırmış, "Mənim ulduzdan gələn sevgim" serialına baxaraq sonra koreya dili öyrəndiyini açıqlamışdır.[26]
Koreya dili ilə yanaşı, ana dili olan çin dilində və ingilis dilində səlis danışmağı bacarır.[27]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
