Təkə yarımadası

Təkə yarımadası - Türkiyənin cənub-qərbində Antalya körfəzi ilə Fəthiyə körfəzi arasında Aralıq dənizinə doğru uzanan yarımadadır. Göllər bölgəsi ilə şimaldan sərhədlənir. Qədim dövrlərdə Likiya olaraq bilinirdi. Adı bölgəyə Anadolu Səlcuqlu dövləti dövründə bura köçürülən Təkə boyundan gəlir.

Təkə yarımadası
Yerləşməsi
36°34′ şm. e. 28°58′ ş. u.HGYO
Akvatoriya	Aralıq dənizi
Ölkə	Türkiyə
Təkə yarımadası

Tarixi

Yarımadanın tarixi eramızdan 3000 min il əvvələ çıxır. Ancaq, hal-hazırkı arxeoloji araşdırmalara görə E.ə. 2000-ci ilə çıxır. Dil mütəxəssislərinin apardığı araşdırmaya görə, bölgədə istifadə edilən yer adları Anadolunun müxtəlif bölgələrində olan Eramızdan 3 min il əvvəlki yer adları ilə bənzəşməkdədir.

Coğrafiyası

Təkə yarımadası Aralıq dənizinə doğru küt bir çıxıntı meydana gətirir. Şimal sərhəddi olaraq qəbul edilən xətt, Kestel və Burdur göllərinə axan çaylarla Dalaman çayının yuxarı axını ilə Göllər bölgəsi adlanan ərazidən keçir. Şimal-şərq tərəfdə kəsilməyə uğrayan yüksək dağ qurşağı Təkənin ortasında yerləşən Almalı düzənliyinin ətrafında yerləşir. 1150 m yüksəkliyindəki düzənliyin şərqində geniş və yüksək dağ silsiləsi Bəydağları yerləşir. Ağdağ və Almalı dağları da düzənliyi qərb tərəfdən əhatə edir.

Kənd təsərrüfatı

İqlim yumşaqlığına görə Təkə yarımadası, əkinçilik üçün əlverişlidir. Taxıl, şəkər çuğunduru, meyvə, xüsusilə sitrus bitkiləri və tərəvəz bitkiləri yetişdirilir.

Turizm

Turizm baxımından Güllük Milli Parkı və Olimpos-Beydağları Milli Parkları ilə başlayan turizm fəaliyyətləri inkişaf etməkdədir.

Həmçinin bax

• Likiya