İrlandiya əsilli Britaniya aktyoru From Wikipedia, the free encyclopedia
Ser Maykl Con Qembon (ing. Sir Michael John Gambon; 19 oktyabr 1940[1][2][…], Dublin – 27 sentyabr 2023[3][4]) – ingilis və irland aktyor.[7] 2004–2011-ci illərdə "Harri Potter" film seriyasında canlandırdığı Albus Dambldor roluna görə tanınır.
| Maykl Qembon | |
|---|---|
| ing. Michael John Gambon | |
 | |
| Doğum tarixi | 19 oktyabr 1940[1][2][…] |
| Doğum yeri | |
| Vəfat tarixi | 27 sentyabr 2023[3][4] (83 yaşında) |
| Vəfat səbəbi | ağciyər iltihabı[5] |
| Vətəndaşlığı | |
| Fəaliyyəti | səsləndirmə aktyoru[d], teatr aktyoru, kino aktyoru, televiziya aktyoru, aktyor |
| Fəaliyyət illəri | 1962–2019 |
| Təhsili | |
| Mükafatları |
  |
| IMDb | ID0002091 |
 |
|
 Vikianbarda əlaqəli mediafayllar | |
Altı onillik karyerası ərzində o, üç Olivier mükafatı və dörd BAFTA TV mükafatı almışdır. 1998-ci ildə dramaturgiyadakı xidmətlərinə görə Kraliça II Yelizaveta tərəfindən cəngavər mükafatını almışdır.
Maykl Con Qembon 19 oktyabr 1940-cı ildə Dublin şəhərinin Kabra bölgəsində doğulmuşdur.[8][9] Anası dərzi, atası isə İkinci Dünya müharibəsi zamanı mühəndislik operatoru olmuşdur.[10] Qembonun altı yaşı olanda ailəsi ilə birlikdə Londona köçmüşdür.
Maykl Qembon sənətə teatr sahəsində başlamışdır. 1962-ci ildə "Otello" tamaşasında çıxış edərək aktyor kimi debüt etmişdir. Növbəti illərdə Vilyam Şekspirin digər tamaşalarında çıxış etmişdir. 1995-ci ildə "Göy işığı" tamaşasındakı roluna görə Toni mükafatına namizəd göstərilmişdir. 2004-cü ildə Semyuel Bekketinin "Oyun sonu" tamaşasında baş rolda çıxış etmişdir.[11]
Qembon film karyerasına 1965-ci ildə Britaniyada çəkilmiş "Otello" filmi ilə başlamışdır. Daha sonra "Gecədən başqa heç nə" (1973) və "Ölməli olan məxluq" (1974) kimi filmlərdə çıxış etməyə davam etmişdir. 1997-ci ildə çəkilmiş "Qumarbaz" filmində Fyodor Dostoyevskini canlandırmışdır. 1990-cı illərdə "Oyuncaqlar" (1992) və "Yuxulu dərə" (1999) kimi müxtəlif filmlərdə çıxış etmişdir.
Maykl Qembonun ən çox tanındığı film rolu "Harri Potter" seriyasındakı Albus Dambldor obrazı olmuşdur. O, Riçard Harrisin ölümündən sonra seriyanın qalan filmlərində Dambldoru canlandırmışdır. 2010-cu ildə "Kralın nitqi" filmində kral V Corcu canlandırmışdır.
1962-ci ildə riyaziyyatçı Anna Miller ilə evlənmişdir. Qembon şəxsi həyatının məxfiliyinə önəm vermiş, həyat yoldaşı barədə sualları cavablandırmaqdan imtina etmişdir.[12] Cütlüyün yeganə övladı olan Ferqus keramika mütəxəssisidir.[13]
Qembon 27 sentyabr 2023-cü ildə 82 yaşında pnevmaniya səbəbilə Vithemdə ölmüşdür.[14][15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
