Lui Araqon

Lui Araqon (3 oktyabr 1897^[2][3][…], Parisin 16-cı dairəsi^[d][4] – 24 dekabr 1982^[2][5][…], VII arondisman, Fransa^[4]) — fransız yazıçısı, şair, ictimai xadim. "Xalqlar arasında sülhü möhkəmlətməyə görə" Beynəlxalq Lenin mükafatı laureatı (1957). Sorbonna Universitetində tibb elmini öyrənmiş, Birinci Dünya müharibəsinin (1914–18) iştirakçısı olmuşdur. Fransa KP MK-nın üzvü, müqavimət hərəkatının liderlərindən biri idi. 1920-ci illərin əvvəllərində dadaizmə meyil göstərmiş ("Fişəng" şeirlər toplusu, 1920), sonralar Andre Bretonla birlikdə sürrealizm hərəkatına başçılıq etmişdir("Anise…" povesti, 1921). Hərəkatın ilk nəzəri manifestini ("Uyqular dalğası",1924) yazmışdır. "Qırmızı cəbhə" (1931) poemasının, "Ura, Ural" (1934) şeir toplusunun müəllifidir. "Real dünya" (1934–51), "Kommunistlər" (1949–51;1967 ildə yenidən işlənmişdir) romanlarında sosializm ideyalarını təbliğ etmişdir. Stalin dövrünün törətdiyi amansızlıqların ifşa olunmasından sonra ağır mənəvi sarsıntı keçirmişdir. "Tamamlanmamış roman" (1956) Lui Araqon yaradıcılığının zirvəsidir. Həyatının son illərində "Blanş, yaxud Unutma" (1967), "Anri Matiss" (1971) romanlarını yazmışdır. "Fəxri legion" ordeni ilə təltif edilmişdir (1981). 2Sovet ədəbiyyatları" (1955) kitabının "Şərq-Qərb divanı" zəruriyyəti haqqında" fəsli Azərbaycan ədəbiyyatına həsr olunmuşdur.^[6]

Lui Araqon
fr. Louis Aragon
Təxəllüsü	Arnaud Saint Romain[1], Arnaud de Saint-Roman[1], François la Colère[1], Témoin des martyrs[1], Albert de Routisie
Doğum tarixi	3 oktyabr 1897(1897-10-03)[2][3][…]
Doğum yeri	Parisin 16-cı dairəsi[d], Paris[4]
Vəfat tarixi	24 dekabr 1982(1982-12-24)[2][5][…] (85 yaşında)
Vəfat yeri	VII arondisman, Fransa[4]
Həyat yoldaşı	Elza Triole
Fəaliyyəti	həkim-yazıçı[d], jurnalist, siyasətçi, şair, romançı, incəsənət tənqidçisi[d], Fransa Müqavimət Hərəkatı üzvü, tarixçi, yazıçı
Əsərlərinin dili	fransız dili
İstiqamət	dadaizm, sürrealizm
Janr	poeziya
Mükafatları
Lui Araqon Vikimənbədə
Vikianbarda əlaqəli mediafayllar

İstinadlar

1. Aragon, Louis // Çex Milli Hakimiyyət Məlumat bazası.
2. Bibliothèque nationale de France Aragon, Louis // BnF identifikatoru (fr.): açıq məlumat platforması. 2011.
3. Delarge J. Louis ( Louis Toucas, dit ) ARAGON // Le Delarge (fr.). Paris: Gründ, Jean-Pierre Delarge, 2001. ISBN 978-2-7000-3055-6
4. Fichier des personnes décédées mirror.
5. Louis Aragon // Internet Speculative Fiction Database (ing.). 1995.
6. Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 586. ISBN 978-9952-441-02-4.

Xarici keçidlər