Liviya səhrası

Liviya səhrası (ərəb. الصحراء الليبية‎, Əl-Libya — Şimali Afrikada^[1], Saxaranın şimal-şərqində yerləşən səhra.

Liviya səhrası
ərəb. الصحراء الليبية‎
Liviya səhrası
Ümumi məlumatlar
Mütləq hündürlüyü	1.024 m
Sahəsi	2000000 km²
Eni	1.000 km
Temperatur
• Minimum	-18 °C
• Maksimum	57,7 °C
Yerləşməsi
24° şm. e. 25° ş. u.HGYO
Yerləşdiyi yer	Şimali Afrika
Ölkələr	Liviya  Misir  Sudan
Liviya səhrası
Vikianbarda əlaqəli mediafayllar

Coğrafi yerləşməsi və təbii xüsusiyyətləri

Liviyanın səhrasının sahəsi 2 milyon km² təşkil edir. Qərbdən Əl-Haruc-əl-Asvad massivi, cənub-şərqdə Tibesti öndağlığı və Ennedi platosu, şərqdən isə Nil çayı ilə əhatələnir. Liviyanın şərqi, Misirin qərbi və Sudanın şimalını əhatə edir. Səhra okean və materik qabığı üzərində yerləşir. Şimalı düzənlik düzənlikdir və dyunlarla örtülüdür. Dyunların uzunluğu 650 km, hündürlüyü 300 metrdir. Şimal-şərində çökəkliklər yerləşir. Afrikanın ən çökək hissəsi 133 metr olan Kattar çökəkliyidir. Bəzi hissələrdə qrunt suları səthə çıxaraq El-Fayn, Dahla, Harqa, Kufra, Farafra və digər vahələrini əmələ gətirir. Səhranın əsas hissəsi tropik, şimalı isə subtropikdir. Yanvar ayının orta temoeraturu 12-18 °C, iyul ayının isə 28 — 35 °C arasında dəyişir. Orta illik temperatur 15 — 16 °C təşkil edir. İllik yağıntının miqdarı 100 mm, bəzi hissələrdə isə 25 mm-dir. Bəzən isə illərlə yağıntı yağmır.

Vaxtı ilə ərazi savanna, bəlkə də tropik meşələrlə örtülü olmuşdur. Səhranın əsasən sakinləri kərtənkələ və ilanlardan ibarətdir. Bitkilər aləmi:acılıqotu, səhra akasiyası, yulğun, yovşan və s.

Əhalisi və təsərrüfatı

Səhra əhalisinin böyük hissəsini Liviyalılar və Berberlər (Mozabitlət, Tuareqlər) təşkil edir. Əhali əsasən vahələrdə yaşayırlar. Vahələrdə Xurma palması, Ərik və Mandarin bitkiləri əkilir. Səhrada insanlar maldarlığın müxtəlif sahələri inkişaf etdirilir (Qoyun, Keçi, Dəvə). Son zamanların illərlə sürən quraqlığı təsərrüfata ağır zərbə vurur. Bahariyə vahəsində dəmir filizi ehtiyatı vardır. Səhradan Mərkəzi Afrikadan Aralıq dənizinə gedən karvan yolunun üzərində yerləşir.

Maraqlı fakt

• 13 sentyabr 1922 ildə Əl-Əziziyə şəhərində (Liviya səhrasının şimal-qərbində) dünyanın kölgədə ən isti havası qeydə alınmışdır. Havanın temperaturu 57,7 °C (136 °F) təşkil etmişdir^[2][3]
• Liviya səhrasında gizli şəkildə Liviyanın keçmiş dövlət başçısı Müəmmar Qəddafi dəfn edilmişdir.

İstinadlar

1. "Şimali Afrika səhraları". 2011-11-03 tarixində arxivləşdirilib. İstifadə tarixi: 2016-06-13.
2. «Global Measured Extremes of Temperature and Precipitation» Arxivləşdirilib 2009-05-07 at the Wayback Machine National Climatic Data Center, United States National Oceanic and Atmospheric Administration (NOAA), accessed 3 December 2008.
3. «What is the highest temperature recorded on Earth, and what’s a reasonable upper limit on the Earth’s temperature?» Arxivləşdirilib 2006-05-17 at the Wayback Machine Goddard Space Flight Center, National Aeronautics and Space Administration (NASA), accessed 6 September 2009