From Wikipedia, the free encyclopedia
HTML5 (Hypertext Markup Language 5) — ümumdünya hörümçək toru məzmunun strukturlaşdırılması və təqdim edilməsi üçün istifadə edilən nişan dili. Bu, "World Wide Web Consortium" (W3C) tövsiyəsi olan beşinci və son[2] əsas HTML versiyasıdır. Hal-hazırda spesifikasiya "HTML Living Standard" kimi tanınır. O, əsas brauzer satıcılarının ("Apple", "Google", "Mozilla" və "Microsoft") konsorsiumu olan "Web Hypertext Application Technology Working Group" (WHATWG) tərəfindən idarə olunur.
| HTML5 | |
|---|---|
 | |
 | |
| Fayl adı uzantısı |
.html və ya .htm |
| MIME tipi |
text/html |
| Tərtibatçı | W3C |
| Buraxılma tarixi | 28 oktyabr 2014[1] |
| Format tipi | Nişanlama dili |
| Standartlar | HTML LS |
| Veb-sayt | html.spec.whatwg.org/mul… |
 Vikianbarda əlaqəli mediafayllar | |
HTML5 ilk dəfə 22 yanvar 2008-ci ildə ictimaiyyətə açıq şəkildə buraxılmışdır.[3] 2014-cü ilin oktyabrında böyük bir yeniləmə tətbiq edilmiş və "W3C Recommendation" əldə olunmuşdur.[4][5] Onun məqsədləri ən son multimedia və digər yeni funksiyaların dəstəyi ilə dili təkmilləşdirmək, dili həm insanlar tərəfindən asanlıqla oxuna bilən, həm də XHTML sərtliyi olmadan kompüterlər və veb brauzerlər, analizatorlar və s. kimi cihazlar tərəfindən ardıcıl olaraq başa düşülən formada saxlamaq, köhnə proqram təminatı ilə geriyə uyumlu qalmaq idi. HTML5-in təkcə HTML 4 deyil, həm də XHTML 1 və "DOM Level 2 HTML"i əhatə etməsi üçün nəzərdə tutulmuşdur.[6]
HTML5 daha çox uyğunlaşa bilən implementasiyaları təşviq etmək üçün ətraflı emal modellərini əhatə edir. Bu, sənədlər üçün mövcud nişanları genişləndirir, təkmilləşdirir və rasionallaşdırır, mürəkkəb veb tətbiqləri üçün nişanlama və tətbiqi proqramlaşdırma interfeyslərini (API) təqdim edir.[7] Eyni səbəblərə görə, HTML5 həm də çarpaz platformalı mobil proqramlarda tətbiq edilməsi üçün namizəd hesab olunur, çünki bu, aşağı gücə malik cihazlar nəzərə alınmaqla hazırlanmış funksiyaları özündə əks etdirir.
Bir çox yeni sintaktik xüsusiyyətlər daxil edilmişdir. Multimedia və qrafik məzmunu yerli olaraq daxil etmək və idarə etmək üçün yeni <video>, <audio> və <canvas> elementləri əlavə edilmişdir. Genişləndirilə bilən bölmələr CSS və ya "JavaScript"dən asılı deyil, <summary>...</summary> və <details>...</details> vasitəsilə lokal formada həyata keçirilir. Miqyaslanan vektorial qrafiklər (SVG) məzmunu və riyazi düsturlar üçün MathML dəstəyi də əlavə edilmişdir.
Sənədlərin semantik məzmununu zənginləşdirmək məqsədilə səhifənin yeni struktur elementləri, məsələn <main>, <section>, <article>, <header>, <footer>, <aside>, <nav> və <figure> elementləri əlavə olunmuşdur. Yeni atributlar təqdim edilmiş, bəzi elementlər və atributlar silinmiş, digərləri, məsələn, <a>, <cite> və <menu> dəyişdirilmiş, yenidən başqa məqsədlə təyin olunmuş və ya standartlaşdırılmışdır. API və DOM indi HTML5 spesifikasiyasının əsas hissələridir.[7] HTML5 hər hansı etibarsız sənədlərin işlənməsini daha yaxşı müəyyənləşdirir.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
