Gözdə Kırdar

Gözde Kırdar – türk qadın voleybolçu. Türkiyə milli voleybol komandasının ən təcrübəli oyunçularından biri. Milli komandanın digər bir üzvü Özge Kırdar Çembercinin əkiz bacısıdır.^[1][2]

Gözde Kırdar
türk. Gözde Kırdar
Şəxsi məlumatlar
Tam adı	Gözde Kırdar
Doğum tarixi	26 iyun 1985 (39 yaş)
Doğum yeri	Kütahya, Türkiyə
Vətəndaşlığı	Türkiyə
Voleybolçu məlumatları
Boyu	1.83 m
Çəkisi	70 kq
Zərbəsi	297 sm
Bloku	292 sm
Mövqeyi	Hücumçu
Karyerası
Komandası	Vakıfbank
Nömrəsi	2
Həvəskar karyerası
1999–2000	Günəş Sığorta
Klub karyerası
2000–2019	Vakıfbank
Milli komanda karyerası
2003–2016	Türkiyə
Vikianbarda əlaqəli mediafayllar

Karyerası

Voleybola 1999-cu ildə Günəş Sığortanın B komandasında başlayan voleybolçu bu komandanın Vakıfbankla birləşməsindən sonra karyerasına Vakıfbank Günəş Sığortada davam etmişdir.

2003-cü ildə ilk dəfə Türkiyə millisinə çağrılan voleybolçu ilk vaxtlar milli komanda da istədiyi oyunu göstər bilmir. Ancaq illər ötdükcə təcrübəsi də artan Gözde yavaş-yavaş milli komandanın əsas oyunçusuna çevrilməyə başlayır.

Vakıfbankda da özünü yaxşı cəhətdən göstərən voleybolçu 2012-ci ilə qədər komandası ilə birlikdə sırası ilə CEV Çağırış Kuboku, Top Komandalar Kuboku, Çempionlar Liqası və Kulublar arası Dünya Çempionatının qızıl medallarını qazanmışdır. Türkiyədə də, kubok və superkubok qalibiyyətlərinin yanında ölkə çempionluğu da yaşayır.

2012-ci ildə voleybolçu üçün iki əlamətdar hadisə baş verir. Bunlardan biri milli komanda ilə Dünya Qranpirisində yaşanan üçüncülük olur, digəri isə təbii ki, 2012 Yay Olimpiya Oyunlarıdır. Bu turnirdə də doqquzunculuq əldə edən voleybolçunun Türkiyə milli komandasının heyətində əkiz bacısı ilə birlikdə əsas heyətdə oynaması bütün xarici mətbuatı onların üzərinə çəkir. Onlar həmçinin Olimpiya oyunlarında da iştirak edən 18-ci əkiz idmançılar olurlar.^[3]

Uğurları

Milli komanda ilə

• 2011 Avropa Qadınlar Avropa Çempionatı — Bürünc Medal
• 2012 "Dünya Qranpiri"si — Bürünc Medal
• 2013 Aralıq dənizi oyunları — Gümüş Medal

Klublar ilə

• 2010–11 CEV Çempionlar Liqası — "Vakıfbank" ilə
• 2011 Kulublar arası Dünya Çempionatı — finalist "Vakıfbank" ilə
• 2012–13 Türkiyə Kuboku — "Vakıfbank" ilə
• 2012–13 Türkiyə Qadınlararası Voleybol Çempionatı — "Vakıfbank" ilə
• 2013 Kulublar arası Dünya Çempionatı — "Vakıfbank" ilə

Şəxsi mükafatları

• 2010–2011 CEV Qadınlar Çempionlar Liqasında "Ən yaxşı top qəbul edici"
• 2012–2013 Türkiyə Qadınlararası Voleybol Çempionatında "Ən dəyərli oyunçu"
• 2013 Kulublar arası Dünya Çempionatında "Ən yaxşı hücumçu"

İstinadlar

1. Filenin ikiz sultanları Arxivləşdirilib 2013-09-14 at the Wayback Machine  (türk.)
2. 13'ünde çıktılar yola Arxivləşdirilib 2012-10-27 at the Wayback Machine  (türk.)
3. İkiz sultanlar Özge ve Gözde tarihe geçti ^{[ölü keçid]}  (türk.)

Xarici keçidlər

• Rəsmi Sayt Arxivləşdirilib 2016-03-04 at the Wayback Machine
• Rəsmi Twitter Səhifəsi