Fransalı İzabella (İngiltərə kraliçası)

Fransalı İzabella (fr. Isabelle de France; ən tezi 1288^[1][2] və ya 1296^[3], Paris – 22 avqust 1358 və ya 1358^[3]) — İngiltərə kralı II Eduardın xanımı, İngiltərə kraliçası.^[5]

Fransalı İzabella
fr. Isabelle de France
İngiltərə kralının xanımı
25 yanvar 1308 – 25 yanvar 1327
Şəxsi məlumatlar
Doğum tarixi	ən tezi 1288[1][2] və ya 1296[3]
Doğum yeri	Paris, Fransa krallığı
Vəfat tarixi	22 avqust 1358 və ya 1358[3]
Fəaliyyəti	Regent
Atası	IV Filip[4]
Anası	Navarralı I Janna (Fransa kraliçası)[4]
Həyat yoldaşı	II Eduard
Uşaqları	III Eduard Con Kornvol Eleonora Vudstok Janna Tavr
Ailəsi	Kapetinqlər sülaləsi
Dini	Roma-Katolik kilsəsi
Vikianbarda əlaqəli mediafayllar

O eyni zamanda Fransa kralı IV Filipp və Navarra kraliçası I Jannanın yeganə qızı idi. Cəmi 12 yaşında İngiltərəyə gəlməsinə baxmayaraq, İzabella qısa zamanda saraydakı mühüm siyasi fiqura çevrildi. Baronlarla olan mübarizəsində öncə kralı dəstəkləsə də, sonralar kralın əhatəsindəki bəzi saray məmurlarıyla münasibətlərinin pisləşməsi nəticəsində 1325-ci ildə kralla kraliça arasında soyuqluq yarandı.

Belə ki, həmin il İzabella oğlu Eduardı da yanına alaraq müttəfiq axtarmaq bəhanəsiylə Fransaya səyahət etdi. O illərdə sürgündə olan Rocer Mortimerlə ittifaq quran kraliça 1326-cı ildə kiçik bir orduyla İngiltərəni işğal etdi. II Eduardın səltənəti dağıldı və noyabr ayında ələ keçiriləcəyi Uels torpaqlarına qaçdı. 1327-ci ilin yanvarında kral 14 yaşlı oğlunun lehinə taxt-tacdan əl çəkdirildi və həmin ilin 21 sentyabrında həbs tutulduğu Berkley qalasında öldü və ya ehtimal ki, yeni rejimin əmriylə öldürüldü.

Oğlunun azyaşlı olması səbəbilə, İzabella taxt naibəsi elan edildi və sevgilisi Rocer Mortimerlə birlikdə səltənəti ələ aldı. Ancaq cəmi 4 il sonra - 1330-cu ildə oğlu III Eduard saray çevrilişi etdi və anası İzabella ömürlük ev məhkumu oldu. Rocer Mortimer isə edam olundu.

Mənbə

• Castor, Helen (2011). She-Wolves: The Women Who Ruled England Before Elizabeth. Faber and Faber. ISBN 978-0571237067
• Doherty, P.C. (2003) Isabella and the Strange Death of Edward II. London: Robinson. ISBN 1-84119-843-9
• Weir, Alison. (2006) Queen Isabella: She-Wolf of France, Queen of England. London: Pimlico Books. ISBN 978-0-7126-4194-4
• Hilton, Lisa (2008). Queens Consort, England's Medieval Queens. Great Britain: Weidenfeld & Nichelson. p. 247. ISBN 978-0-7538-2611-9
• Parsons, John Carmi (2004). "Isabella [Isabella of France]". Oxford Dictionary of National Biography (online ed.). Oxford University Press. doi:10.1093/ref:odnb/14484. ISBN 978-0-19-861412-8
• Haines, Roy Martin (2003). King Edward II: His Life, his Reign and its Aftermath, 1284–1330. Montreal, Canada and Kingston, Canada: McGill-Queen's University Press. p. 355. ISBN 978-0-7735-3157-4
• Pinches, John Harvey; Pinches, Rosemary (1974), The Royal Heraldry of England, Heraldry Today, Slough, Buckinghamshire: Hollen Street Press, ISBN 0-900455-25-X

İstinadlar

1. Strickland A., Strickland E. Lives of the Queens of England from the Norman Conquest. Cambridge University Press, 2010. S. 472.
2. Weir A. Isabella: She-Wolf of France, Queen of England. Random House, 2011. S. 9.
3. A Historical Dictionary of British Women (ing.). 2 Routledge, 2003. P. 239. ISBN 978-1-85743-228-2
4. Kindred Britain.
5. Mortimer, Ian. (2006) The Perfect King: The Life of Edward III, Father of the English Nation. London: Vintage Press. ISBN 978-0-09-952709-1