Bakırköy

Bakırköy (türk. Bakırköy) — İstanbul ilinin ilçəsi. Avropa hissəsində yerləşir. İstanbulun Qərb yarısında, Mərmərə dənizinin şimal-şərq sahillərində, Paşaeli yarımadasında yerləşir. 1926-cı ildə əsası qoyulmuş Bakırköy rayonu, 1992-ci ildə indiki sərhədlərinə çatmışdır.^[1] İlçə qərbdən Kiçikçəkməcə, şimaldan Bağçalıevlərlə, şimal-şərqdən Güngörən, şərqdən isə Zeytunburnu ilçələri ilə həmsərhəddir.

Bakırköy
40°58′59″ şm. e. 28°51′13″ ş. u.HGYO
Ölkə	Türkiyə
Tarixi və coğrafiyası
Sahəsi	29,65 km²
Saat qurşağı	UTC+03:00
Digər
bakirkoy.gov.tr
Xəritəni göstər/gizlə Bakırköy
Vikianbarda əlaqəli mediafayllar

Adının tarixçəsi

İstanbulun ən qədim və ənənəli məkanlarından biri olan Bakırköy, tarixinin Roma İmperiyasına qədər getdiyi bu ilçənin adı o illərdə "Hebdomon" olaraq bilinirdi. Bəzi mənbələrə görə, Bizanslılar bu rayonu "Makro Hori" (uzun kənd) adlandırdılar. Osmanlı İmperiyası dövründə də istifadə edilən "Makro Hori" adı respublika elan olunduqdan sonra, 1925-ci ildə Bakırköy adını almışdır.^[2]

Yerləşməsi

1989-cu ilə qədər 275 km² sahəsi ilə İstanbulun ən geniş sahəli ilçələrindən olan, Kiçikçəkməcə, Bağçalıevlər, Güngörən və Zeytunburnu ilçələri ilə həmsərhəd olan bu ilçənin ərazisi 1992-ci ildə hal-hazırkı formasına çatmışdır.^[3]

Məşhur sakinləri

• German (Afasanadis, Yannakis) (1930–2018) — Feodoropol mitropoliti.
• Ellidifor (Lambriniadis) (1967-ci ildə anadan olmuş) — Prussiya mitropoliti.
• Münir Özqul (1925–2018) — türk film və serial aktyoru.
• Nəcip Uysal (1991-ci ildə anadan olmuş) — Beşiktaş PFK-da oynayan türk futbolçu.
• Furkan Qorxmaz (1997-ci ildə anadan olmuş) — ABŞ-də hücumçu mövqeyində oynayan türk basketbolçu.

Məhəllələr

Rayonda ümumilikdə 15 məhəllə vardır.

İstinadlar

1. "Bakırköy", Dünden Bugüne İstanbul Ansiklopedisi, Tarih Vakfı, 1994. ISBN 975-7306-00-2.
2. "Bakırköy". Ana Britannica Ensiklopediyası. 4. Nəşr. İstanbul: Hürriyət Çap Evi. 1993. səhifə 168–169.
3. Bambaşka Bakırköy Gazetesi, Sayı: 5, fevral 2009, səhifə 16

Həmçinin bax