İxtiyar Şirin

İxtiyar Əlibala oğlu Şirinov (İxtiyar Şirin) (23 iyul 1952, Dünyamalılar, Jdanov rayonu – 14 noyabr 2022) — Azərbaycan Respublikasının Baş Prokuroru (1992–1993), Azərbaycanın ilk həqiqi dövlət ədliyyə müşaviri (1992–1993).

İxtiyar Şirin
Azərbaycan Respublikasının Baş Prokuroru
14 oktyabr 1992 – 30 iyun 1993
Əvvəlki	Murad Babayev
Sonrakı	Əli Ömərov
Şəxsi məlumatlar
Doğum tarixi	23 iyul 1952(1952-07-23)
Doğum yeri	Dünyamalılar, Jdanov rayonu, Azərbaycan SSR, SSRİ
Vəfat tarixi	14 noyabr 2022(2022-11-14) (70 yaşında)
Partiya	Müsavat Partiyası (1992–1992)
Təhsili	Bakı Dövlət Universitetinin Hüquq fakültəsi
Fəaliyyəti	prokuror
Atası	Əlibala Şirinov
Rütbəsi	Həqiqi dövlət ədliyyə müşaviri (məhrum edilib)
Vikianbarda əlaqəli mediafayllar

Həyatı

23 iyul 1952-ci ildə hazırkı Beyləqan rayonunun Dünyamalılar kəndində anadan olub. AXC hakimiyyəti dövründə dövlət müşaviri və baş prokuror vəzifəsində çalışıb.

16 oktyabr 1992-ci ildə İxtiyar Şirinova həqiqi dövlət ədliyyə müşaviri rütbə dərəcəsi verilib.^[1] 14 sentyabr 1993-cü ildə isə bu rütbədən məhrum edilib.^[2]

1993-cü ilin iyun hadisələrində Gəncədə Surət Huseynovun komandası tərəfindən həbs olunub. 11 ay sonra məhkəmə cinayət işini xətm edib və azadlığa buraxılıb.

14 noyabr 2022-ci il tarixində vəfat etmişdir.^[3]

Siyasi fəaliyyəti

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir.^[4] İstiqlalçı deputat olaraq 1991-ci ildə, parlamentdə məhz həmin 43 deputatlardan biri olaraq Azərbaycan xalqının müstəqillik istəyinə səs vermişdi.

29 dekabr 1998-ci il tarixində Milli Konqres Partiyasını təsis etmiş və siyasi fəaliyyətini təsis etdiyi siyasi partiya ilə davam etdirmişdir.

İstinadlar

1. "Azərbaycan Respublikasının Baş prokuroru İ. Ə. Şirinova həqiqi dövlət ədliyyə müşaviri rütbə dərəcəsi verilməsi haqqında Azərbaycan Respublikası Prezidentinin Fərmanı". e-qanun.az. 2024-01-17 tarixində arxivləşdirilib. İstifadə tarixi: 2024-01-17.
2. "İ. Ə. Şirinovun həqiqi dövlət ədliyyə müşaviri rütbəsindən məhrum edilməsi haqqında Azərbaycan Respublikası Prezidentinin Fərmanı". e-qanun.az. 2022-11-26 tarixində arxivləşdirilib. İstifadə tarixi: 2024-01-17.
3. "Azərbaycanın keçmiş Baş Prokuroru vəfat edib". 2022-11-16 tarixində arxivləşdirilib. İstifadə tarixi: 2022-11-15.
4. "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az Arxivləşdirilib 2022-04-01 at the Wayback Machine (az.)

Xarici keçidlər

• Azərbaycanın general-polkovnikləri