Türkiyə Respublikasının Konstitusiyası
Türkiyə Konstitusiyası / From Wikipedia, the free encyclopedia
Türkiyə Respublikasının Konstitusiyası və ya 1982-ci il Konstitusiyası türk. Türkiye Cumhuriyeti Anayasası — 7 noyabr 1982-ci ildə ümumxalq səsverməsi ilə qəbul edilən Türkiyənin ən yüksək normativ hüquqi aktı.[1] 12 sentyabr hərbi çevrilişindən sonra hərbi rəhbərliyin əmri ilə Məşvərət Məclisi tərəfindən hazırlanmış və 23 sentyabr 1982-ci ildə Məşvərət Məclisi və 18 oktyabr 1982-ci ildə Milli Təhlükəsizlik Şurası tərəfindən qəbul edilmişdir. Konstitusiya referendum nəticəsində 91,37% lehinə olmaqla qəbul edilmişdir.
Türkiyə Respublikasının Konstitusiyası | |
---|---|
türk. Türkiye Cumhuriyeti Anayasası | |
Növ | konstitusiya |
Ölkə | Türkiyə |
Ratifikasiya edilib | 18 oktyabr 1982 |
İmzalanıb | 9 noyabr 1982 |
Qüvvəyə minib | 9 noyabr 1982 |
Vikianbarda əlaqəli mediafayllar |
Konstitusiyanın ilk üç maddəsinin dəyişdirilməsi və ona dəyişiklik təklif edilməsi dördüncü maddə ilə qadağandır. Bu günə qədər Konstitusiyaya iyirmi bir dəfə 1987-ci, 2007-ci, 2010-cu, 2017-ci illərdə dəyişiklik edilib. Konstitusiyada 7 bölmə, 177 maddə və 16 müvəqqəti maddə var.[2]