![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Polish_Volleyball_Cup_Pi%25C5%2582a_2013_%25288555777406%2529.jpg/640px-Polish_Volleyball_Cup_Pi%25C5%2582a_2013_%25288555777406%2529.jpg&w=640&q=50)
Toppaylayıcı (voleybol)
From Wikipedia, the free encyclopedia
Toppaylayıcı və ya ötürücü[1] — voleybolda mövcud olan voleybolçu ampluası (mövqeyi), oyun qurucusu. Toppaylayıcının voleybol meydançasındakı əsas məqsədi adından da məlum olduğu kimi komanda yoldaşlarını topla təmin etməkdir. Hücumçuları və diaqonal mövqe voleybolçularını, həmçinin blokçuları topla təmin edir. İstədiyi zaman qaydalar çərşivəsində zərbə də vura bilər. Buna məşhur toppaylayıcı aldatması kimi yanaşmaq olar.
![Thumb image](http://upload.wikimedia.org/wikipedia/commons/thumb/c/c8/Polish_Volleyball_Cup_Pi%C5%82a_2013_%288555777406%29.jpg/640px-Polish_Volleyball_Cup_Pi%C5%82a_2013_%288555777406%29.jpg)
Toppaylayıcı ön mövqedə olduqda 4, 3 və 2-ci zonaya, arxa mövqedə olduqda isə 5, 6 və 1-ci zonaya ötürmə edə bilər. Bu mövqenin sahibləri digər voleybolçularla daim əlaqədədirlər. Hücumçular kimi istədikləri zaman zərbə endirmirlər, çünki toppaylayıcı voleybolda komandanın beynidir. Onun hər bir hərəkətini rəqib blokçuları daim izləyir, ona və yaxud pas atacağı oyunçuya blok qurmaq üçün daim torun o birisi tərəfində gözləyirlər. Bu ampluaya sahib oyunçular bəzən üç tərəfə bir göz qırpımında baxırlar. Hətta 4-cü zonadakı voleybolçunu da zərbə mövqeyinə çıxara bilirlər. Toppaylayıcı yalnız liberoya zərbə üçün pas ata bilməz.[2]