Tekken (videooyun)

Tekken (yap. 鉄拳) — Tekken seriyasından olan ilk oyun. PlayStation və avtomatlar üçün nəzərdə tutulmuş faytinq janrındakı oyunun istehsalçısı Namco şirkətidir. 1995-ci ildə isə seriyanın ikinci oyunu satışa çıxarılmışdır.

Tekken
Üz qabığı
Hazırlayan	Namco
Yayımlayan	Namco
Seriya	Tekken
Buraxılış tarixi	Oyun avtomatı 9 dekabr 1994 PlayStation 31 mart 1995 oktyabr 1995 noyabr 1995 PlayStation Network 3 iyun 2011 15 iyun 2011
Janrlar	Faytinq
Dizaynerlər	Seiiçi Işii
Bəstəkarlar	Yoşi Arakaqa Yoşi Takayanaqi
Texniki məlumat
Platforma	PlayStation, arkada oyunu
Oyun rejimi	birnəfərli oyun
İdarəetmə	Costik, idarəetmək pultu
Arkada platforması	Namco System 11
Rəsmi saytı

Oyun prosesi

Tekken ilk 3D formatında döyüş oyunlarından biri hesab olunur. Sega tərəfindən hazırlanmış Virtua Fighter oyunu isə tam olaraq 3D qrafik ilə hazırlanmış ilk döyüş oyunudur.

Standart olaraq hər döyüş iki raunddan ibarətdir. Buna baxmaraq, vaxt limiti də daxil olmaqla, hər döyüşdəki raundların sayını birdən beşə kimi seçmək mümükündür. Əgər vaxt bitməmiş qalib oyunçunu canını tam saxlaya bilsə, spiker "Perfect!" (azərb. Mükəmməl!‎) deyir. Oyunçu nokaut etməyə yaxın olarsa, spiker "Great!" (azərb. Əla!‎) deyir. Çox nadir hallarda olur ki, hər iki oyunçu eyni zamanda nokaut vəziyyətinə düşür. Bu zaman spiker "Double K.O." (azərb. İkiqat K.O.‎) deyir. Kimsə məğlub olmamış vaxt bitərsə, o zaman sağlamlığı daha çox olan döyüşçü qalib hesab edilir. Əksər hallarda isə, hansısa personaj qalib gəlsə, "K.O." səsi eşidilir.

Oyun zamanı döyüşlərin keçirildiyi yerlər ekranın sağ aşağı küncündən qeyd olunur. Hər bir məkan real adları ilə adlandırılmışdır: Anqkor Vat (Kamboca), Sıçuan (Çin), Abidə vadisi (ABŞ), Çikaqo (USA), Kyoto (Yaponiya), Fici, Uindermir (Böyük Britaniya), Venesiya (İtaliya), Akropol (Yunanıstan), Kinq Corc adası (Antarktika), və Çiba Marine stadionu (Yaponiya).

Süjet

Mishima Zaibatsu konqlomeratının güclü və qəddar sahibi Heyhati Misima uduş məbləği 1 milyard dollar həcmində olan "Dəmir Yumruğun Kralı" adlı döyüş turniri təşkil edir. Turnirin iştirakçılarından biri isə, Heyhatinin oğulluqdan çıxartdığı Kadzuya Misimadır. O, atasından qisas almaq üçün turnirə qatılmışdır.

Kadzuyanın 5 yaşı olanda, atası Heyhati oğlunu dağın zirvəsinə gətirərək onu qayadan aşağı atır. Bununla o, oğlunun geriyə qayıtmaq üçün gücünün olub-olmamasını yoxlamaq istəyirdi. Əgər oğlu qayanın dibindən geri qayıtsa, deməli o, gələcəkdə Zaibatsu şirkətinin varisi olacaqdır. Sınaqdan keçə bilməyən Kadzuya ölümcül xəsarətlər alır. Sonradan o, Şeytan Geni adlı enerjinin köməkliyi ilə daha da güclənmiş və atasından intiqam almaq gününü gözləmişdir.

Bu hadisədən 25 il sonra Dəmir Yumruğun Kralı adlı turnirin iştirakçılarından biri də məğlubedilməz Kadzuya Misimadır. Finala kimi yüksələn Kadzuyanın son raunnda Heyhati Misima gözləyir.

Kadzuya və Heyhatinin döyüşü, illər öncə atasının oğlunu qayadan aşağı atdığı yerdə baş tutur. Şeytanın Kadzuyaya verdiyi gücdən istifə edərək o, atasını məğlub edərək, Heyhatinin bədənini qayadan yerə atır. Qayadan aşağı baxaraq gülümsəyir. Kadzuya Misima artıq "Mishima Zaibatsu"nun sahibidir.

Əsas məqalə: Tekken personajlarının siyahısı

Oyundakı personajlar:

• Kadzuya Misima — seriyanın əsas personajlarından biri. Kadzuya Larsın doğma, Linin isə ögey qardaşı, Dzinin atası və Heyhatinin oğludur.
• Anna Vilyams — irland killeri, Kadzuya Misimanı öldürmək üçün tutulmuşdur.
• Armor Kinq — peşəkar güləşçi, naməlum Meksika tayfasının başçısı.
• Qanryu — sumo döyüşçüsü, etdiyi qeyri-qanuni maxinasiyalara görə idmandan uzaqlaşdırılmışdır.
• Cek — rus istehsalı robot. Əsas hədəfi turnir boyunca Kadzuya Misimanı məhv etməkdir.
• Kuma — ayı, Heyhati Misimanın şəxsi mühafizəçisi.
• Kunimitsu — Mandzi klanının nindzalarından biri.
• Nina Vilyams — irland killeri, bacısı Anna kimi Kadzuya Misimanı öldürmək üçün tutulmuşdur.
• Heyhati Misima — seriyanın əsas personajlarından biri. Zdinin babası, Kadzuya və Larsın doğma, Linin ögey atası.
• Kinq — peşəkar güləçi, Meksikanın Armor Kinq klanının üzvü. Armor Kinqlə dost olsalar da, əvvəllər düşmən idilər.
• Li Çaolan — Kadzuya və Larsın balaca qardaşı, Dzinin əmisi.
• Marşall Lo — aşpaz, Pol Feniksin ən yaxın dostu. Onun xarici görünüşü və bir çox xüsusiyyətləri Brüs Lidən götürülmüşdür.
• Mişel Çan — yarıçin-yarıhindu. Heyhati Misimanın adamları atasını öldürdüyü üçün intimaq almaq niyyətindədir.
• Van Cinrey — kunq-fu masteri, Linin babası.
• Yoşimitsu — Mendzi klanının başçısı. Bir əlini itirdikdən sonra Doktor Baskonoviç ona protez əl qoymuşdur.
• Pol Feniks — bayker, Lonun ən yaxın dostu.
  • Howarang- məşhur taekvandoçu.Jin ən boyük düşmənidir.
    • Eddy-güclü kapieroçu(Brazilyada döyüş növü) kapieronu babasından öyrənib
    • Kiristina- Eddyin bacısı, lakin babası kapieronu Kiristinaya daha yaxşı öyrədir və sonradan Kiristina Eddiynən düşmən olur

Resenziya və qiymətlər

İcmallar
Tənqidçilərin qiyməti
Mənbə	Reytinq
Allgame	Arkada: [1] PS: [2]
IGN	[3]

İstinadlar

1. Williamson, Colin. "Tekken". Allgame. 2012-04-18 tarixində arxivləşdirilib. İstifadə tarixi: 2008-10-04.
2. "Tekken". Allgame. 2012-04-18 tarixində arxivləşdirilib. İstifadə tarixi: 2008-10-04.
3. "Tekken Review". IGN. 1996-10-26. 2012-04-18 tarixində arxivləşdirilib. İstifadə tarixi: 2008-10-04.

Xarici keçidlər

• «Tekken» oyun seriyasının rəsmi veb-saytıArxivləşdirilib 2012-04-13 at the Wayback Machine