From Wikipedia, the free encyclopedia
Taya mağaraları (田谷の洞窟, Taya no dokutsu?) və ya Yuqa qrotu (瑜伽洞, Yuqado?) – Yaponiyanın Yokohama şəhərində yerləşən süni mağaralar şəbəkəsi. Cosen məbədinin tərkibinə daxildir.[1]
Taya mağaraları | |
---|---|
田谷の洞窟 | |
![]() | |
Yerləşməsi | |
35°22′04″ şm. e. 139°31′19″ ş. u. | |
Ölkə | |
Şəhər | |
taya-josenji.jp/cave/ | |
|
|
![]() |
Qədim dəfnetmə mağarasının ərazisində yerləşdiyi güman olunan Taya mağaralarının tarixi məbədin qurulduğu 1532-ci ildən əvvələ aiddir. Bu tunellər Kamakura dövründə (1185–1333) qazılmış və Mantra sektasına mənsub olan buddistlər tərəfindən asketik təlim yeri kimi istifadə olunmuşdur. Onlar burada meditasiya ilə məşğul olarkən divarlara müxtəlif buddist qabartma naxışları həkk etmişdirlər. Mağaraların tağlarında və qum daşı divarlarından ibarət dar keçidlərində buddist ilahları və mifoloji varlıqları, eləcə də, sanskritcə işarələrin təsvirləri yerləşir.[1]
Edo dövründə baş vermiş zəlzələ nəticəsində mağaraların tağlı tavanının bir hissəsi çökmüşdür və mağaralar uzun müddət tərk edilmiş vəziyyətdə qalmışdır. 1830-cu ildə yerli kəndlilərin çəltik zəmilərini suvarmaq üçün mağarada yerləşən bulağın suyunu çəkməyə başlamışdırlar. Bu, buddist keşişlərinin mağaralara qayıtmasına və təlimlərinə davam etmələrinə səbəb olmuşdur.[1]
1927-ci ildə mağaralar ictimaiyyətə açılmışdır. Buna baxmayaraq, keşişlər burada təlim keçməyə davam edirlər.[1]
Mağaranın Otonaşiqava (hərf. "səssiz çay") adı ilə tanınan bulağı mürəkkəb tunel sistemi boyunca axır və bəzi divarlardan aşağı tökülür. Bulağın keşiş Kukayın daş heykəlinə həsr olunmuş müqəddəs otaqdan keçən hissəsinə Almaz suyu adı verilmişdir. Almaz suyunun xəstəlik sağaldıcı və arzuları həyata keçirmə xüsusiyyətlərinə malik olduğuna inanılır. Başqa bir inanca görə mağaranı ziyarət etmək ruhu və bədəni arındırır.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.