Tako-no-yama

Tako-no-yama (タコの山^?, hərf. "səkkizayaqlı dağı") və ya səkkizayaqlı sürüşkəni – Yaponiyada geniş yayılmış, səkkizayaqlı görünüşündə olan uşaq sürüşkəni növü. 1960-cı illərdə "Maeda" şirkəti tərəfindən populyarlaşdırılmış tako-no-yamalar Tokiodan bütün Yaponiyaya yayılmış, hətta Kopenhagen şəhərində quraşdırılmışdır.

Ebisu-Hiqaşi parkında yerləşən tako-no-yama (2009).

Tarixi

İlk tako-no-yamanın hansı parkda quraşdırıldığı mübahisə mövzusu olsa da, ən populyar fikrə əsasən ilk tako-no-yama 1965-ci ildə Tokionun Adaçi rayonundakı Şin-Nişiaray parkında quraşdırılmışdır: park üzərində işləyən bir heykəltaraşın abstrakt oyun meydançası layihəsi şəhər şurası tərəfindən əvvəlcə rədd edilsə də, səkkizayaqlı mövzusunu əlavə etdikdən sonra qəbul edilmişdir. Şin-Nişiaray ölkədəki ən köhnə səkkizayaqlı sürüşkəni hesab olunur. Bu sürüşkən hazırda kosmos mövzusunda bəzədilmiş və bir dizayn müsabiqəsinin qalibi olmuşdur.^[1]

Digər nəzəriyyəyə görə isə səkkizayaqlı sürüşkənləri Şin-Nişiaray parkında olan sürüşkən yox, Şinaqava rayonunda yerləşən Şinmey uşaq parkındakı sürüşkənlər sayəsində populyar olmuşdur. Bu sürüşkənlər də 1968-ci ildə "Maeda" tərəfindən quraşdırılmışdır. Bu parkdakı iki sürüşkəndən ancaq biri salamat qalmışdır və hazırda başqa parkda yerləşir.^[1]

2019-cu ildə "Maeda" şirkəti tako-no-yamaların müəllif hüquqlarının özlərinə aid olduğunu bildirirək iki tako-no-yama quraşdırmış "Ans" şirkətini məhkəməyə vermiş və 4,32 milyon yen məbləğində təzminat tələb etmişdir. 2022-ci ildə Ali Məhkəmə onların tələbini qəbul etməmişdir.^[2]

Xüsusiyyətlər

İndiyə qədər "Maeda" şirkəti tərəfindən Yaponiyada 260-dan çox tako-no-yama quraşdırılmışdır. Tako-no-yamaların bir neçə növü mövcuddur. Məsələn, kiçikölçülü olan növü "minisəkkizayaqlı" adlanır.^[2]

Qalereya

• 
  Kopenhagendə quraşdırılmış səkkizayaqlı sürüşkəni.
• 
  Hyoqo prefekturasında tako-no-yama.
• 
  Fukuoka prefekturasında yerləşən Mekari parkında tako-no-yama.
• 
  Fukuşima prefekturasında yerləşən Şinobuyama parkında tako-no-yama.
• 
  Fukuoka prefekturasında yerləşən Katsuyama parkında tako-no-yama.
• 
  Ayçi prefekturasında yerləşən Anco idman parkında tako-no-yama.

İstinadlar

1. "Shin-Nishiarai Octopus Slide". Atlas Obscura (ingiliscə). 15 dekabr 2023. 2023-12-21 tarixində arxivləşdirilib. İstifadə tarixi: 21 dekabr 2023.
2. "Japan: Copyright Decision on Octopus Slide". Atlas Obscura (ingiliscə). 18 noyabr 2022. 2023-12-22 tarixində arxivləşdirilib. İstifadə tarixi: 22 dekabr 2023.

Xarici keçidlər

• Yaponiyadakı tako-no-yamaların siyahısı