Seyfəddin Qurbanov

Seyfəddin Əli oğlu Qurbanov (19 oktyabr 1962, Siyaqut, Noraşen rayonu – 16 noyabr 2021, Türkiyə) — azərbaycanlı heykəltaraş, memar, Ukrayna Rəssamlar İttifaqının Xarkov filialının üzvü. Ukraynanın Xalq Rəssamı, dosent. Xarkov Dövlət Dizayn və İncəsənət Akademiyasının heykəltaraşlıq kafedrasının müdiri

Seyfəddin Qurbanov
Doğum tarixi	19 oktyabr 1962(1962-10-19)
Doğum yeri	Siyaqut, Noraşen rayonu, Naxçıvan MSSR, Azərbaycan SSR, SSRİ
Vəfat tarixi	16 noyabr 2021(2021-11-16) (59 yaşında)
Vəfat yeri	Türkiyə
Vəfat səbəbi	COVID-19
Dəfn yeri	Xarkovda ikinci şəhər qəbiristanlığı[d]
Milliyyəti	azərbaycanlı
Fəaliyyəti	rəssam, memar
Təhsili	Xarkov Dövlət Dizayn və İncəsənət Akademiyası[d] (1985–1989)[1]
Mükafatları
seifaddin.com.ua
Vikianbarda əlaqəli mediafayllar

Həyatı

Seyfəddin Qurbanov 1962-ci il oktyabrın 19-da Naxçıvan Muxtar Respublikasının Siyaqut kəndində anadan olub.^[2]

1989-cu ildə Xarkov İncəsənət və Sənaye İnstitutunu bitirmişdir. Xarkov Dovlət Dizayn və İncəsənət Akademiyasının Heykəltaraşlıq kafedrasının dosentidir. 1987-ci ildən ümumukrayna və ümumittifaq sərgilərində iştirak etməyə başlamışdır. 1991-ci ildən Ukrayna Rəssamlar İttifaqının Xarkov filialının üzvüdür. Ukraynanın Kiyev şəhərindəki "Səməd Vurğun", İrpensk şəhərindəki "Zərifə Əliyeva" və digər abidələrin muəllifidir.

2004-cu ildə "Ukraynanın Əməkdar rəssamı", 2010-ci ildə isə "Ukraynanın Xalq rəssamı" fəxri adlarına layiq görülmüşdür. "Zolotoy yaquar", "Evropeyskoye kaçestvo", "Vısşaya proba", "Zolotoy merkuriy", "1000-letiye" kimi dövlət və beynəlxalq mükafatlar laureatıdır. 2006-cı il martın 13-də Azərbaycan Respublikası Prezidentinin Sərəncamı ilə dünya azərbaycanlılarının həmrəyliyi sahəsində fəaliyyətinə görə "Tərəqqi" medalı ilə təltif olunmuşdur.^[3]

Əsərləri

2019-cu ildə Kiyevdə Nəsiminin heykəltaraş Seyfəddin Qurbanov tərəfindən hazırlanan heykəli ucaldılıb.^[4]

İstinadlar

1. http://artru.info/ar/27998/.
2. Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.
3. "Ukraynanın Xalq rəssamı, azərbaycanlı heykəltaraş Seyfəddin Qurbanov dünyasını dəyişib". 2021-11-16 tarixində arxivləşdirilib. İstifadə tarixi: 2022-08-19.
4. Real TV. "Ukraynada Nəsimi izi" (az.). Youtube.com. 25.05.2019. 2021-12-03 tarixində arxivləşdirilib. İstifadə tarixi: 2019-05-25.

Xarici keçidlər

• Heykəltaraş Seyfəddin Qurbanov
• Ukraynanın azərbaycan əsilli heykəltəraşı Seyfəddin Qurbanov