Reyna Trindl (トリンドル 玲奈, Torindoru Reyna?, 23 yanvar 1992[1], Vyana) – Avstriya-Yaponiya modeli,[2][3] tarentosu[4][5] və aktrisası.
Reyna 23 yanvar 1992-ci ildə Avstriyanın Vyana şəhərində doğulmuşdur. Anası yapon, atası avstriyalıdır.[6] Luna (ルナ, Runa?) adlı balaca bacısı var. Atasının iş yeri ilə əlaqədar olaraq tez-tez köçməli olub, Fransa və ABŞda yaşayıb. Lakin liseyin birinci sinifindən etibarən Yaponiyanın Tokio şəhərində yaşamağa başlayıb.[6] Reyna Beynəlxalq Xristian Universitetinin liseyindən məzun olduqdan sonra Keyo Universitetinə daxil olub.[7] Lakin karyerası ilə əlaqədar olaraq 2015-ci ilin sentyabrına qədər universitetdən məzun ola bilməyib.[7]
Reyna liseyin ikinci sinifində oxuyan zaman Platinum Production tərəfindən kəşf edilmiş və modellik etməyə başlamışdır.[8][9] "JJ" və "Vivi" jurnallarının ekslüsiv modeli olduqdan sonra "With" jurnalının ekslüsiv modeli olmağa qərar vermişdir.
2011-ci ildə Rocketman tərəfindən ifa olunan "Love Disco" mahnısı ilə müğənni kimi debüt etmişdir.[10]
2012-ci ildə "Qara müəllimə" serialında çıxış edərək aktrisa kimi debüt etmişdir.[9] 11 yanvar 2013-cü ildə başlayan "Terras evi: Oğlanlar qızlara qarşı qonşu qapıda" verilişinin 2-ci mövsümündən etibarən verilişin studiya şərhçisi kimi çıxış etmişdir. Franşizinin hər bir verilişində şərhçiliyə davam etmişdir.
2015-ci ildə "Qaçdı-tutdu" qorxu filmində baş rolda oynamışdır.[9] Filmdəki performansı Kanadada baş tutmuş XIX Fantaziya Beynəlxalq Film Festivalında ən yaxşı aktrisa mükafatına layiq görülmüşdür.[11]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
