Osmanlı imperiyası və İmereti krallığı arasında baş vermiş döyüş From Wikipedia, the free encyclopedia
Qaragak döyüşü – İmereti krallığı ilə Osmanlı imperiyasının Meshetinin Qaragak bölgəsində qarşı-qarşıya gəldiyi döyüşdür. 1543-cü ildə reallaşan döyüş İmeretinin qalib gəlməsi ilə nəticələnmişdir. Lakin bu döyüşdən qısa müddət keçdikdən sonra geri dönən Osmanlı ordusu məğlubiyyətin əvəzini çıxmış və gürcü ordusu üzərində qələbə qazanmış, onları özündən vassal asılılığına salmışdır.[1]
Samsthe atabəyi III Kvarkvare oğlu Kaihosro Osmanlı imperiyasının İmeretini işğal etməsini istədi. Ərzurumun Osmanlı bəylərbəyinin əmri ilə Qızıl-Əhmədlü olaraq da bilinən Musa Paşa İmeretini fəth etməsi üçün 22.000 adamla Samstheyə göndərildi. Avropadan gələn toplarla təmin edilmiş Osmanlı ordusu gürcülərin əlindəki Oltisi qalasını (hal-hazırda Türkiyədə yerləşən Oltu ilçəsində yerləşir) mühasirəyə aldı. Bundan sonra İmereti kralı olan Baqrat qonşu gürcü dövltələrindən yardım istədi. Bu çağırışlardan yalnız Qurieli hökmdarı çağırışa müsbət cavab verdi, Meqreliya hökmdarı Levan isə çağırışı rədd etdi. Daha sonra isə Levan Osmanlı imperiyasının tərəfinə keçdi və bahalı hədiyələrlə, qorumalarla İstanbula aparıldı. Baqrat ordusunun Osmanlı ordusundan say etibarilə çox olmasına baxmayaraq, Osmanlı ordusuna təslim oldu, lakin Osmanlı ordusunun Ərzuruma getməsindən dərhal sonra Oltu (və ya Oltisi) qalasına hücum etdi. Gürcülər heç gözlənilmədiyi halda, qalada qalan Osmanlı ordusunu məhv etdi və əsas Osmanlı ordusunu izləməyə başladı. Qaragahda mütləq qələbə qazanan İmereti ordusu Musa Paşanı da döyüşdə öldürdülər.[2]
Qaragajdakı döyüşdə İmereti ordusunun qalib gəlməsinə baxmayaraq, bu qələbə bölgədəki gürcülərin gec-tez Osmanlı hakimiyyəti altına düşməsinə əngəl ola bilmədi. Bu döyüşdən cəmi iki il sonra Osmanlı ordusu geri döndü və 1545-ci ildə Sohoista döyüşündə mütləq qələbə qazandı. Nəticədə, Samsthe Osmanlı hakimiyyəti altına düşdü və buradakı Osmanlı hakimiyyəti uzun müddət davam etdi.[3]
Samsthe Osmanlı imperiyasının vassalı oldu. III Kvarkvarenin soyundan gələnlər Samshe atabəyliyini (1628-ci ilə qədər) vı Çıldır əyalətini (1820-ci ilə qədər) idarə etdilər.