From Wikipedia, the free encyclopedia
Qırğızıstan Respublikasının dövlət gerbi (qırğ. Кыргыз Республикасынын Мамлекеттик герби) — Qırğızıstan Respublikasının dövlət rəmzi. 14 yanvar 1994-cü ildə Qırğızıstan parlamenti tərəfindən təsdiq edilmişdir.[1]
Qırğızıstan gerbi | |
---|---|
qırğ. Кыргыз герби | |
![]() | |
Detallar | |
Təsis edilib | 14 yanvar 1994 |
Şüar | Qırğız Respublikası |
![]() |
Qırğızıstan gerbinin aşağı hissəsində mavi dairə, ön planda ağ şahin, mavi göl, yuxarı hissəsində təpəsi ağ, yamacları isə mavi rəngdə verilmiş Qırğız ala dağları, o cümlədən günəş və ondan saçılan qızıl rəngli şüalar təsvir olunmuşdur. Gerbin yuxarı hissəsində ağ rəngdə "Qırğız", aşağında isə "Respublikası" yazılmışdır. Gerbin yan tərəflərində pambıq sapları və qızıl rəngdə buğda sünbülləri var.[1]
Qırğızıstan Respublikasının dövlət gerbinin mərkəzi qırğız xalqının zehniyyətinin, təbiətinin, mədəniyyətinin və təsərrüfatının xüsusiyyətlərini şərti simvol dilində ifadə edən bir dairədən ibarətdir.[2]
Gerbin ön planında, mavi dairənin alt hissəsində, geniş qanadlı bir ağ şahin şəkli mövcuddur. Düşüncələrin saflığı və nəcibliyinin rəmzi olan "Ağ Şumkar" quşu qırğız əfsanələrində və xalq dastanlarında oxunur. Qırğızıstan Respublikasının dövlət gerbindəki bu quşun təsviri qırğız xalqının həyat tərzi, ənənəvi mədəniyyətini təmsil edir və İssık-Kuldan Qırğız ala dağlarının qarlı zirvələrinə qədər uzanan Qırğızıstan torpağının qorunmasını simvollaşdırır. Dairənin içərisində, Qırğızıstan Respublikasının Dövlət gerbinin yuxarı hissəsindəki dağların arxasında, doğan günəş və onun şüaları təsvir edilmişdir.[2]
Rəsmi olaraq Qırğızıstan Respublikasının dövlət gerbinin müəllifləri Aseyin Abdrayev və Sadırbek Dubanayevdir.[1] Buna baxmayaraq, Abdrayev gerbin tək müəllifi olduğunu və Dubanayevin yalnız orijinal gerbi korladığını iddia etmişdir.[3]
Qırğızıstan Respublikasının dövlət gerbinin yenidən istifadə edilən surəti ölçüsündən asılı olmayaraq, Qırğızıstan Respublikası Prezidentinin iqamətgahında saxlanılan Qırğızıstan Respublikası dövlət gerbinin standartının rəngli və ya ağ-qara təsvirinə tam uyğun olmalıdır. Qırğızıstan Respublikasının dövlət gerbinin rəngləri Qırğızıstan Respublikasının dövlət gerbinin texniki göstəricilərində göstərilən rənglərə uyğun olmalıdır.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.