Kamçiya qoruğu
From Wikipedia, the free encyclopedia
From Wikipedia, the free encyclopedia
Kamçiya biosfer qoruğu (bolq. Биосферен Резерват Камчия — Bolqarıstanın şərqində yerləşən qoruq. Qoruq əsasən Kamçiya çayının subasar ərazilərini və mənsəbini əhatə edir. Çayın subasar hissəsində olan meşələri qorumaq üçün 1951-ci ildə yaradılmışdır. Yaraldılan zamanı daha böyük ərazini əhatə edirdi - 1200 hektar. Kamçiya uzun müddət UNESCO-nun qorunan ərazilər siyahısında idi. Qoruq ərazisinə həmçinin Qara dəniz sahillərində olan kiçik zolaq daxil idi. Qoruqdan qorunma statusu 2017-ci ildən götürülmüşdür.[2]
Kamçiya biosfer qoruğu | |
---|---|
BTMB kateqoriyası — Ia (Ciddi Təbiət Qoruğu) |
|
Sahəsi |
|
Yaradılma tarixi | 30 iyun 1951 |
Yerləşməsi | |
43°01′12″ şm. e. 27°30′00″ ş. u.HGYO | |
Ölkə | |
|
|
Vikianbarda əlaqəli mediafayllar |
Qoruğun əsas sahəsi 842.1 hektardır (bufer zonası 230 ha)[3]. Əsas sahənin 764 hektarı meşədir, qalan 78.1 ha meşəsiz ərazilərdir (34.5 ha çəmənliklər, 0.4 ha kanallar, 3.3 ha qobular, 21,8 ha bataqlıq meşələri, 9,9 ha bataqlıqlar və s.). Qoruq ərazisinin uzunluğu 40 km, eni isə 5 km-dir. Çayın aşağı axınındakı "Longoz" meşəsi bütün Avropada bu tip meşələrin ən yaxşısı hesab olunur.
Qoruqda qalıq çay meşələri, çay sahili boyunca qamışlıqlar və kiçik şirin su bataqlıqları, əkin sahələri (əvvəllər Staro-Oryahovski bataqlıqları), qum təpələri olan bir çimərlik və dəniz buxtası var.
Meşələrdə saqqız ağacı, qarağat, palıd, ağcaqayın və qızılağac üstünlük təşkil edir. Eləcə də yemişan, zoğal, birgöz, ağəsmə və mərəvcə geniş yayılıb.[3][4]
Qoruq zonasında 200 növ quş yaşayır. Onlardan 5 növün nəsli kəsilmək üzrədir və Beynəlxalq Təbiətin və Təbii Sərvətlərin Mühafizəsi Birliyinin Qırmızı kitabına düşüb. Su hövzələrində 25 növ balıq var: adi çəki, qafqaz xulu, cənub tikanbalığı və s.
Kamiya qoruğundakı məməlilərdən avropa cüyürünü, çöldonuzunu, meşə dələsini və tülkünü misal göstərmək olar.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.