From Wikipedia, the free encyclopedia
Fuciko Fucima (藤間 藤子, Fucima Fuciko?, 31 oktyabr 1907, Tokio – 14 oktyabr 1998, Tokio) – Yaponiya rəqqasəsi və xoreoqrafı. O, yaşayan milli xəzinə elan olunmuş ilk rəqqasədir.
Fuciko Fucima 31 oktyabr 1907-ci ildə Tokioda Kimiyo Tanaka adı ilə doğulmuşdur.[1][2] 8 yaşında olan ənənəvi yapon məktəbinin Fucima məktəbinin İemoto qolunun rəhbəri olan II Kanemon Fucimanın şagirdi olmuşdur. Bu dövrdən etibarən məktəbin aparıcı üzvlərindən biri olmuş, hətta məktəbin növbəti iki rəhbərinin müəllimi olmuşdur.[2] 1926-cı ildə səhnə adını qəbul etmişdir.[1]
Fucimanın ən məşhur rəqsləri gənclik bulağından bəhs edən bir Çin əfsanəsinə əsaslanan "Kikucido" və Kiotadakı sevgilisini ziyarət edən döyüşçüdən bəhs edən "Kakeqiyo" rəqsləri olmuşdur. "Kakeqiyo" onun ən məşhur rəqslərindən biri olmuş, bu rəqsə görə 1955-ci ildə Təhsil Nazirliyinin Teatr Festivalı Mükafatına layiq görülmüşdür.[2]
Fucima kabuki tamaşaları üçün tokivazu rəqslərinin xoreoqrafiyası ilə məşğul olmuşdur (məsələn, "Masakado" və "Seki no To" tamaşaları üçün). O, 1985-ci ildə Yaponiya hökuməti tərəfindən yaşayan milli xəzinə elan olunmuşdur.[3] O, bu ada layiq görülən ilk rəqqasə olmuşdur.[1] 1992-ci ildə Los-Ancelesdə yerləşən Yaponiya Amerika Teatrında çıxış etmişdir.[4] 14 oktyabr 1998-ci ildə Tokioda yerləşən bir xəstəxanada mədə xərçəngi səbəbilə ölmüşdür.[1]
Fucimanın övladığa götürdüyü qızı Rankey rəqqasə və rəqs müəllimi olmuşdur. Fucima ölümündən əvvəlki son performansında Rankey ilə birlikdə çıxış etmişdir.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.